صعبه

[مريومه العراقيه]

صعبه أترد گمر .. واصفن عليك بليل

وصعبه أترد مثل ماچانت الصــــــوره

گبل بعيونك أغفه وبيك أشيّم النـــــاس

چنت يامه أگولن أنت اسطـــــــــــــوره

وچنت اتصورك تعشگني حد المـــــوت

أتبين كل ظلامك .. ضاع كل نـــــــــوره

أسنين بگلبي انت وبالوفه أمغطيــــــك

الك صوره انبنت وببالي محفـــــــــوره

اخاف الهوه يجرحك لو يمر اعليـــــــك

واحطن لافتـــــه ( المنطقه محظوره )

يامه اهواي غيرك لاجلي متمنيـــــــن

ويامه اهواي غيــــــــرك شدّو أنذوره

ورغم كل كبريائي .. اتغير القانـــــون

ورضيت بيوم أحبك .. روحي معذوره

ماتدري بطباعك وبعشرتك زيـــــــــف

مُر بعشرتك والصحبه مبتـــــــــــــوره

كتبت انه احبك عمري الك مرهــــــون

وانت بكل فخر كاتب بطبشــــــــــــوره

ابقه وياك؟! شبقه؟ وياعذاب انشيـــــل

نشف مايه عشگنه بدور ناعـــــــــوره

انساهم يگلبي .. القدروك اهــــــــــواي

ماهملوك مثله .. وعافــــــــــو امروره

اترك حظرته ولاتعتنيهه بيـــــــــــــوم

ظـــــــــــــــل بحظرتك لاتعتني اتزوره

عيش بدنيتك مرتاح وانسه الغيـــــــــر

ولملم ذكرياته الصفت منثــــــــــــــوره

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دلع المنصور]

تسلمين حبي عاشت ايدج روعة

[عراقية كوول]

عاشت الايادي
كلمات جميله
ودي

[مـوتـي ولا مـوـت أحسـاسـي]

45:
انشاء الله دوم الابداع
تحياااتووو.

[مريومه العراقيه]

منورين ورود وشكرا للرد والمرور

[nosnos]

يسلمووووووووو عاشت الايادي

[مريومه العراقيه]

منور ورده وشكرا للرد والمرور