ღ m ღ لا تخجل ღ m ღ

**مريومه العراقيه** · 2009-05-25, 11:48 PM

سول فكول الك واهس تضل وياي
واذا ما لك واهس كول لاتخــــــجل
ما اقبل احـــــــبك وانت ما مرتاح
وما ارتاح احــــــــبك وانت ما تقبل
واذا متشدني بيك وبيــــة اشدك حيل
انحل بالسهــــــل من عندك وتنحل
بكيفك من اجيت ومـــا جبرتك يوم
وما اجبرك بكيفك لــــو ردت ترحل
فكر باليهمك والمهـــــــــــم شتريد
انه كل اليهمني المهـــــــــــــــم لا تزعل
ما مليت منك اكــــــــــــــــدر ابقى وياك
بس المشكله خاف آنة راح انمـــــــــــــل
مايهمني الدرب صار امشي بيــــه سنين
مااندل جنت بس هســــــــــــه كمت اندل
وما اكولـــــــــــن خسارة الراح مني وياك
وي كلمن تحبــــــــــــــــة الروح ما تبخل
روحي الحبتــــــــــــــــك تتحمل بلياك
وما ينقص صبرهه بغيبتــــــــــــــــك يكمل
مجنونه نعم بس روحــــــــــــي تدري شلون
تنجن بالعشـــــــــــــك وبلا عشك تعقل
حبيتك صدك والوكت جذبـــــــــــــه هواي
بمعركته الدغش انــــــــــــــــه نزلت اعزل
وتعرفني لو عندك شكــــــــــــــــوك هواي
وادري لك شكــــــــــــــوكك جان عندك حل
من شفتك سنابل روحــــــــــي اجت ترويك
ماي ولا تضن تصيرلك منجل
ماي ولا تضن تصيرلك منجل