خلطات لجمالك

**دمعة ألم** · 2009-06-25, 10:17 PM

أولا – مشاكل الشعر :
• تساقط الشعر :
- خوذي بصله وحده واضربيها في الخلاط مع نص كوب ماء واغسلي فيها شعرك ... واتركيه 3 ساعات بعدين اغسليه .
- بيضه كامله مع عصير ليمونه تمنع تساقط الشعر .
• قشرة الشعر :
- دلكي شعرك يوميا بعصير ليمون .
- عصير الجرجير والنعناع : كوبين عصير جرجير وكوبين عصير نعناع اغسلي شعرك فيه .
• فرد الشعر وتطويله :
- الترمس .. انقعيه في ماء مدة يوم كامل بعدين اغسلي شعرك بمائه واتركي شعرك رطب لاتشطفيه بماء واغسليه ثاني يوم .
• تقصف الشعر :
- العسل أو الدبس ادهني شعرك فيه مرتين في الاسبوع وتتركينه على شعرك ساعه تقريبا .
- زيت زيتون مع زيت السمسم دلكي فيه شعرك قبل كل شاور .
- ادهني شعرك بمايونيز .
• تلوين الشعر :
- شاي البابونج .. اغسلي شعرك فيه ولا تنشفينه واتركيه اليوم كله .
- ممكن إذا تبين تفتحين لون شعرك استخدمي مع الحناء كوب لبن أو حليب .
- تغمقين شعرك .. اعجني الحناء بالشاي .
- اللون الأسود ... استخدمي بودره تلقيها عند العطار اسمها ( زاجه ) حطيها مع الحناء .
- اللون البني ... حطي مع الحنا قهوه مطحونه .
• لمعان الشعر :
- ذوبي زبده وادهني شعرك فيها قبل الشاور .
- استخدمي البنزين مع الحناء .

ثانيا – العيون :
• تطويل الرموش :
- قبل لا تنامي امشطي رموشك بزيت الخروع .
• الحبوب اللي حول الجفن :
- استخدمي كمادات زيت الزيتون .. مدة ربع ساعه .
• عيون صافيه :
- ملعقة ماء ورد مع ملعقتين ماء ونقطي في عيونك .
• الهالات السوداء حول العيون :
- كمادات الشاي اتركيها على عيونك عشر دقايق يوميا .
- قطع الخيار : خياره قشريها و حطيها على عيونك ربع ساعه .
• الانتفاخات أسفل العينين :
- استخدمي قطع البطاطس بعد ما تنقعيها في ماء مدة دقيقتين .
- تجنبي الاكثار من المشروبات المنبهه مع اخذ كفايتك من النوم .

-

ثالثا – أسنانك :
• تبييض الأسنان :
- فحم اطحنيه وحطي معه شوي ملح خشن وافركي اسنانك فيه .
- القرنفل – المسمار أو العود – اطحنيه ودلكي فيه أسنانك قبل لا تفرشينها .

رابعا – البشرة :
• الحبوب والرؤوس السوداء :
- اغسلي وجهك بعصير النعناع والخيار ولا تنشفيه .
- ملعقة شوفان + ملعقة زبادي + عصير نص ليمونه .. تخلينه على وجهك 20 دقيقه – ثلاث مرات في الاسبوع .
- فنجان حليب بودره + 5 ملاعق ماء .. راح يصير عندك سائل كثيييف حطيه على وجهك لين ينشف وقبل لاتغسليه افركيه بوجهك بشكل دائري .
- ملعقتين زبادي وملعقتين عصير ليمون حطيها على وجهك نص ساعه .
- 4 ملاعق طحين و ملعقتين ماء يعني عجينه عاديه بس اضيفي لها ملعقة عصير ليمون واتركيها لين تنشف على وجهك ودلكي وجهك فيه بعدين و اغسليه .
- فراوله مهروسه مع ماء الورد .. وتبقى نص ساعه على وجهك .
• التجاعيد :
- حبة بطاطا و جزره مع ملعقتين عسل ... اخلطيها بالخلاط وتبقى على وجهك ربع ساعه ... 3 مرات في الاسبوع .
- الحليب مع العسل .. امسحي وجهك فيه واتركيه ينشف بعدين اغسليه .
- شوكولاته ذوبيها مع شوية زبده وادهي فيها وجهك ... مدة ربع ساعه .
• تفتيح لون البشره و تبييضها :
- من 3 ملاعق دقيق نقى و كمية مناسبة من الحليب و عصير ليمونة واحدة و تضاف هذه المكونات الى بعضها و تخلط الى ان تتكون عجينة لينة يتم وضعها على البشرة و يترك هذا القناع على البشرة لمدة 20دقيقة .
- البقدونس المهروس وممكن تستخدمي الخلاط ... حطيه على وجهك واتركيه عشر دقايق .
- اغسلي وجهك كل صبح بماء الورد ..
- طحين أسمر اعجنيه بزيت زيتون و اتركيها على وجهك 35 دقيقه ..
- الفراوله مع العسل .. اضربيها بالخلاط واتركيها على وجهك ساعه .
• المسامات الواسعه :
- امسحي وجهك بقطعة ليمون .
- مرري قطعة ثلج على وجهك .. ممكن تعمليها أكثر من مره في اليوم .
- تجنبي الخلطات التي تحتوي على عسل .

خامسا – جسمك :

•لعلاج النحافة الشديدة :
- حلبه – الله يعين على ريحتها + عسل أسود + زيت سمسم + المكسرات اللي تحبيها .. لوز ، فستق ، بندق ..
- أكثري من تناول اللحوم خصوصا الكبده و الهمبرغر .
• التخسيس :
- خل تفاح حطي معه زبد البحر – تلقينها عند العطار – ولاحظي انهم راح يتفاعلوا مع بعض وتتضاعف كميتهم .. دلكي فيه جسمك قبل الدوش بـ 3 ساعات ..
- عصير الأفكادو مع الحليب + أي مرطب تستخدميه لجسمك .. قبل الحمام أو بعد الحمام .. اتركيه ساعتين .
• شد الجسم :
- بعد الحمام دلكي جسمك بقهوه مطحونه منقوعه نص ساعه في ماء .
- الرياضه .
- ادهني جسمك بزيت الزيتون يوميا .
• يديك :
- ادهني يديك مرتين يوميا بزيت اللوز للحفاظ عليهما من العوامل الخارجيه .
- دلكي يديك بعصير عنب للمحافظه على نعومتهما .
• قدميك :
- استخدمي أي مرطب تحبينه وممكن تستخدمي مزيج زيوت انتي تخلطيها بعدين لفي رجولك بكيس واتركيها أطول مده ممكنه .

احدث المواضيع:

**مـوتـي ولا مـوـت أحسـاسـي** · 2009-06-25, 10:26 PM

باجر اجربيه :q01:
- بيضه كامله مع عصير ليمونه تمنع تساقط الشعر .

فنجان حليب بودره + 5 ملاعق ماء .. راح يصير عندك سائل كثيييف حطيه على وجهك لين ينشف وقبل لاتغسليه افركيه بوجهك بشكل دائري .
يسلمووو عيوووني.