رسالة الى كل المغتربين خارج العراق

[عراقية كوول]

رسالة الى كل المغتربين خارج العراق



ياليل هم رجعت شتريد وك ياليل


من وحشتك شيبت و الحيل ما ظل حيل


مثل الرماد اشتعل و ابقى احترك كلي


من اذكر امي الصبح من تكعد تصلي
&& يجاوبـــــــــــــــــه&&
يا مانصحتك انا , تذكّر شنساك
كتلك بلادك ذهب هو الذي سواك
و انت ابن هذاالبلد لا تنكر الرباك


غشوك وصفوا الك دنيا و سعادة و خير
ما تدري شماهجر لازم يعود الطير
&& يردلــــــــــــــــــه&&
هسه انا وين اصبحت عنهم و وين اهلي
بس عين عندي بقت منها الدموع تسيل
اشتاكيت لاهلى انا و لكعدت اخواني
و كلمة هلا و مرحبا بشفاف جيراني
&& يجاوبــــــــــــــه&&
شوداك لاهل الغرب شتسوي رحت هناك
من ترجع من الشغل منهو اليتلكاك
امك تحضر الغدة و اختك تصبلك ماي
جاي انت من الشغل مية هلا بهالجاي
و كلشي محضر الك و كاوي لك هدومك
و ابنك يشبكك شبك و يشاركك نومك
&& يردلــــــــــــــه&&
شتاكيت لاهلي انا و لكعدة اخواني
و كلمة هلا و مرحبا بشفاف جيراني
ملعون هذا الزمن ليوين وداني
خلاني اخلص الوكت بالحسرة و الياويل
&& يجاوبــــــــــــه&&
تشوفهم بالغرب كل واحد وربعه
تكعد و مالك ربع و بعينك الدمعه
مو جنا نطلع سوة للجامع الجممه
و الثوب ابيض حلو و من تمشي شمحلاك
اي لعد ما تكلي منو الوداك هناك
&& يردلـــــــــــــــــــه&&


الليلبس يم هلي ثوب الفرح لابس


و محلاهه من تنسمع صفارة الحارس


زاد اهلي طيب يظل لو بس خبز يابس



و مكره زاد الغرب بالمنة والتذليل



&& يجاوبـــــــــــــــه&&




ببغدادعدنا حلو لمن يصير غروب



عالجسر فوك الجسر تمشي انت و المحبوب



و دجلة تحضنك حضن و تحس العمر ما فات


و محلاهه لمت هلك و كاعد بالكريعات


&& يردلـــــــــــــــه&&


شتاكيت انا لموطني و احسد اللي شافة


و لماي دجلة العذب منتشربه تتعافه
يا ريت منه العسل لو رادن شفافة



و انا الك مشتاك يا جاي ابو الهيل



&& يجاوبه و هنا يحسمها&&



ولو تجي و تفتر بعد و تدخل على المنصور


طيبة و حنان و عشك و طيور احلى طيور



و العيد عدنا حلو والله يا عيدي



يله نقارن سوة و ايدك تظل بيدي



ايفل و برجه و هله و لندن و كل ت**اس



يروحون فدوة و نذر لشارع ابو نؤاس



اخخخخ يالغربه اسويتي بيه مو راح اموت

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[احلى من الحلوة]

عاشت الايادي الحلوة على الموضوع الجميل و الرائع
و ننتضر نشوف المزيد
تقبلو مروري و اطيب تحياتي

[AbO RiShA]

شكرآ على الرساله الحلوه
عاشت ايدج عراقيه كول
تحياتي