لآتــزعـل عـليـنـهـ گلـؤبـنـهـ تــذـوبـ

[مـوتـي ولا مـوـت أحسـاسـي]

لاتزعل علينه گلوبنه تذوب
ماتدري الزعل شيسوي بينه

مثل ماتنذبح شمعه بسهم ريح
عصرنه الليل بعدك وانطفينه..

گلنالك نحبك تزعل شبيك؟!
عسه لاگلنه عمي ولاحچينه

مدينتنه ظلام وعينك هلال
دفك شبّاچ عينك عالمدينه ..


يطيحن فوگ اديك سنينه دموع
وغير وداعك شطايح بدينه


گمنه نخاف من عيونك عليك
گبلك چم نهر كاتلته عينه


ولاتضحك ضحكتك ترست البيت
عیون البیت تحسد مو أمينه

ولاتبچي أعله خدك لؤلؤ يطيح
أحنه بطرگ خدك وانعمينه

أكسر باب گلبي بعينك وفوت
المايفتح ألك تنشل يمينه


واوگف لاتدگ باب الگلب نار
بس أشرلي بيدك وانه افتحه


كتب گبلك جروحي ودمعي والآخ
أعله مودك شگگتهن صفحه صفحه...

مو حسبالك أضحكلك بطر.. لا
ولا آنه الخلي وبجروحي شحه...

بس ضميتهن حته أنت ترتاح
وحته احساس (أحبك) ماأجرحه

فرحني بعد لاتبخل وياي
گبلك ماشفت بالدنيه فرحه..

خناجر كلهه چانت گبلك الناس
اخرهم شهگ يم گلبي رمحه.......

اريدك خلگ سيف تجيبلي وياك
وخلگ الذكريات البيه أذبحه...

حته انسه النسوني وسدوا الباب
شكتبوا وشخذوا من بالي امسحه......


وارسمك يم صفنتي عيونك تصير
لوحه الماطرت من عدهه لوحه


وندوخ اثنينه ومانصحه للموت
نصحه المن! عمر مايسوى نصحه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[اسد الرافدين]

هلا والله اجتي الشاعره هلا بيج اي هيج نورينه اباشعارج عاشت ايدج ورده

[ست البنات]

عاشت الايادي الحلوة على الموضوع الجميل و الرائع
و ننتضر نشوف المزيد
تقبلو مروري و اطيب تحياتي

[مـوتـي ولا مـوـت أحسـاسـي]

منورين حبايب.
ويسلمووو ع مروركم الحلووو.

[حمكي]

شكرا عيني على الموضوع
تحياتي الج

[مـوتـي ولا مـوـت أحسـاسـي]

عفوا عيني
ومشكووور عالمرور .