الخطيب = هلو حبيبتي
الخطيبة = هلا!!! .. شنو نسيت انو الك خطيبة؟
الخطيب = لا والله ... شلون انسى واحنا 7 سنين مخطوبين؟
الخطيبة = هسه كول مقررت شوكت نتزوج؟
الخطيب = ايي لعد ليش خابرتج ؟ حتى نحدد موعدالعرس
الخطيبة = زين خليها الخميس الجاي كتب الكتاب والعرس بنفس اليوم
الخطيب = لأااااا .. منلحك .. نسوي العرس الخميس ، وانشاء الله بعدأسبوعين انروح للمحكمه ونكتب الكتاب
الخطيبة =يله .. ليش هالعجلة؟نسوي العرس الخميس وبعدين نكتب الكتاب من بعد مايصير عدنا ولد .. نروح نكتب الكتاب ونسجل الولد بنفس الوقت حتى مانضل رايحيين جايين
الخطيب = والله فكره حلوة ، بس شلون نجيب الولد ؟؟؟!!!!!!!!
الخطيبة = شمدريني اني؟؟ أحسن شي اسأل بابا .....
بس اظن هو يجي الطفل من كيفه لأن ماما اتقلي الأولاد رزق من عند الله
يعني احنا مالنا علاقة بالموضوع
الخطيب = اووووووووووووووه .. طمنتي بس اخاف الله يرزقنا من أوسع أبوابه ويجينا درزن جهال؟؟؟!!
الخطيبة = لا لالا ... أني رشيقة وبطني ما تتحمل أكتر من واحد
الخطيب = ليش هوبالبطن؟؟
الخطيبة = أي بالبطن جنب المعدة .. و لازم كل أسبوع اروح اشوفه عالكمبيوتر ، بس خايفة يطلع مو حلو ؟؟؟
الخطيب = مو مشكله اذا مو حلو انفرمت الكمبيوتر!!!!
الخطيبة = والله فكره ، لعد أني ليش قبلت بيك؟ لأنه انت اذكى واحد بالدنيا
الخطيب = ايييييييي اني اعجبج .. من افكر .. ولو إني أحياناً اتعب من التفكير
الخطيبة = وأني مرات يغمى عليه من هلكد ماافكر!!!
الخطيب = قبل شويه خابرني النجار وسألني عن غرفة النوم
شلون تريديهه ؟ مزدوجة لشخصين ؟ لو منفصلة (بسريرين) ؟؟
الخطيبة = لا لا .. منفصلة أحسن لأنه أنا من أول مانام أحلامي كلها جمباز وملاكمة وماريد تجيك ضربة وازعجك وانت نايم
الخطيب = شكرا حبيبتي هسه عرفت شكد انتي تحبيني
الخطيبة = حبيبي ومااريد نتأخر بحفلة العرس ، لازم نرجع من وكت حتى انظف البيت وجهزلك الأكل
الخطيب = أوكي حبيبتي
الخطيبة = نروح للحفلة ونشوف المعازيم .. وبعدين يزفّونا
انت يزفوك للفندق حتى تقضي شهرالعسل على راحتك
وانا يزفوني لبيتنا وانتظرك بالبيت
وبعد شهر تجي ان شاءالله وتلاكي الغدا جاهز
الخطيب = والله عندك أفكار عظيمه .. الحمدلله ،الله انطاني خطيبة جمال وذكاء ..!!
الخطيبة =شنو هاي غزل؟
الخطيب = العفو .. شنو يعني غزل؟
الخطيبة = غزل: يعني صوف وخيوط !!
المهم انت اليوم وين رحت؟
الخطيب= رحت ع الملعب .. شفت المباراة بين
الزوراء والجويه
الخطيبة = أكيد اتونست
الخطيب = لا والله .. طلعت المباراةإعادة من السنة الماضية
الخطيبة = و شلون اتذكرتها
الخطيب = نفس الملابس ، ونفس الحكم لابس اسود ، والطوبه نفسها مدعبلة ولونها ابيض
الخطيبة = اشبيك غير الاول تتاكد؟؟
قبل ما تفوت الملعب؟؟؟
الخطيب = اي والله .. فاتتني هالشغلة .. لأني اليوم أني مطفي
الخطيبة = خير .. شكووو؟؟؟
الخطيب = لا ماكو شي بس الحجي والحجيه صارلهم فترة متزاعلين
الخطيبة = لا لا لا.. ليش؟
الخطيب = ما اعرف من أسبوعين بغرفتهم وقافلين الباب، ولهسه ماطلعوا
الخطيبة = اخاف نايمين
الخطيب = لا .. يجوز ليهسه ديحلون المشكلة
الخطيبة = أي مشكلة؟
الخطيب = مااعرف ..ما فتهمت .. من أسبوعين سمعت الحجي يقول للحجيه: أنا خايف أموت لذلك راح اعترفلج بخيانتي الزوجية
أني جنت اخونج ، وكنت كل ما اخون احط حباية فاصوليه بالمزهرية
جاب المزهرية طلعوا 3 حبايات فاصوليه
وبعدين الحجيه صارت تبجي وقالت: واني هم خنتك ، وجنت كل ما اخونك احط حباية عدس بالمزهرية، وجابتلها المزهرية وطلعوا حوالي كمشة إيد بس قالت عالحلال والحرام طبخت منهن ست مرات شوربة برمضان.
وهنانه الحجي صاراعصااااااب _ ماعرف ليش ؟؟!!_ وكمت اسمع صوت ضرب
الخطيبة = اخاف مايحب شوربة العدس؟!!!!
الخطيب = يمكن ..بس شنو يعني خيانة زوجية؟؟؟
الخطيبة = يعني مثلاً الحجيه تقول للحجي رايحه للخياطه تخيط تنورة وهي كذابة تروح عالسوق وتشتري جاهز وتعرف الجاهز أغلى من التفصيل..!!
الخطيب = هلااااااا مو انتي همين ... تسوين ويايه خيانة زوجية .. صرت اعرف هسه أصلاً كل ما تروحين عالخياطة اروح وياج
الخطيبة = اتدلل.. وأني وين مارحت اخذك ويايه
الخطيب = أصيله .. الله يسعدني و أسعدج
الخطيبة = يله اني راح اسد التلفون .. بس لا تنسى تكول لاأهلك عن موعد العرس
الخطيب = اوكي هسه رح اضل ادك الباب حتى يفتحولي و راضيهم حتى ييجون لعرسنا ..
الخطيبة = لا هسه اتركها يجوز ناموا خليها للصبح وانت نام بسرعة ولا تفكربشي
الخطيب = احاول ... بس مو بإيدي احب افكر .
وما زال لتفكير مستمـــــــــــراً ...بانتظار استيقاظ الحجي والحجيه!!!!!
هع هع هع هع هع
تحيات مال اني الكم
سـاروو
احدث المواضيع:
رد مع اقتباس
عضــــ فـضـي ــــو
.gif){kind=icon}
خطيب وخطيبته (اهبل وهبله)!!خطوبه 7 سنوات
رد: خطيب وخطيبته (اهبل وهبله)!!خطوبه 7 سنوات
ضوابط المشاركة