گالو ما تجـــي وگالو عليك بعيد

**مـوتـي ولا مـوـت أحسـاسـي** · 2009-07-17, 03:41 PM

(گالو ما تجـــي وگالو عليك بعيد

ودرب كلش طويــل البينك وبيني)

شح مني الدمع گـد ما بچيت أعليك

وأعاتب بالگمـــر هلبت يواسيني

ظلم كلش ظلم تحيـا وتموت بشوگ

وچا شنهو العمر من تذبـل رياحيني

تعب حتى الورق حبر ودمـع مخبوط

وحسره وي القلــم تاذيني وتبچيني

صفه رسمك حلـم عذب حنايا الروح

ومثل طيفك أبد مـــا شايف بعيني

نهر طولك عذب صـافي ويرد الروح

وأنه الميت عطش وبگطـره ترويني

أكتبلك شـعر وأسطـــرلك الأبيات

وانته بلا بخـــت بالفرگة تچويني

قيس بعام واحـد وتيبّس من الشوگ

وآنه سنين مـــرّت ما غفت عيني

گلي شلون رايك والعمــر محسوب

وچلمات الشماته تگـــول ناسيني

طلابه وي العشگ وأيامي كلهن ليل

وشمس حبك ظلم من مــا تضوّيني

كافــي من العتب راح أختم الأبيات

وأحچيلك سطر بـــي كل عناويني

مثلك ما شفت ولا رايـــد ولا ريد

وأحبك موت عنــــوان لدواويني

أحبك موت عنوان لدواويني

**سََـ,,ـفِــير الـَـحُبــ,,ـ** · 2009-07-17, 03:44 PM

وچلمات الشماته تگـــول ناسيني
عاشت ايدج ورده اكثر شي عجبني هذا البيت الي فوك

**مـوتـي ولا مـوـت أحسـاسـي** · 2009-07-17, 03:47 PM

تسلممم عالمرور عيوووني.

**ست البنات** · 2009-07-17, 03:55 PM

عاشت الايادي الحلوة على الموضوع الجميل و الرائع
و ننتضر نشوف المزيد
تقبلو مروري و اطيب تحياتي

**مـوتـي ولا مـوـت أحسـاسـي** · 2009-07-17, 04:01 PM

يسلمووو عالمرور وردة.

**حمكي** · 2009-07-18, 06:36 AM

شكرا على الموضوع
تحياتي :23
عباس38:

**L•َِOَِ•Y•َِUَِ•S** · 2009-07-18, 11:12 AM

ذوووووووووووووق
كلماات روعه
سلمت يداك ورده

**HamaDa** · 2009-07-18, 01:13 PM

مشكورة وردة
عاشت الايادي
تحياتي

**مـوتـي ولا مـوـت أحسـاسـي** · 2009-07-18, 08:46 PM

منورين شباب
ويسلمووو عالمرور.

الموضوع: گالو ما تجـــي وگالو عليك بعيد