][§¤ في خفوقي ((: لكـ : حكايهـ )) ¤§][][

**Mr.Sheevo** · 2009-07-22, 01:07 PM

فى خفوقى لك حكايه ضمها كتاب المشاعر..

وفى عيونى لك مدينه ياحلوها من مدينهـ ::

انت لوتامرعلى روحى من غلاتك بس تامر ..

فدوة روحى من غلاتك والله ماهى بالثمينهـ ::

شفت وش قد غالى ولاعندى شى اخر..

كل هالعالم بدونك اشبه بدمعه حزينهـ ::

احنا قصتنا قديمه وحبنا صادق وطاهر ..

انقى من حبه رذاذ فوق خد الياسمينهـ ::

احنا لونكتب عشقنا ضاقت اوراق الدفاتر ..

وان كتبنا شى تبقى اغلب كنوزه دفينهـ ::

انت تبحر فى عيونى وانا فى عيونك اسافر ..

فوق غيمه من محبه لاشراع ولاسفينهـ ::

جيت لك كلى وضوح بلا قناع ولامظاهر ..

وجيتنى من طيب اصلك لا غرور ولا ضغينهـ ::

تذكر بأول لقانا كيف خانتنا الحناجر ..

والحكى عيا وحروفه فى خناجرنا سجينهـ ::

وكانت عيونك مرايا بعثرت اوراق شاعر ..

وكنت اقرا فى عيونك رعشه الشوق وحنينهـ ::

كانت الفرصه دقايق عشتها مثل المغامر ..

مرنى فصل العواصف والهدواه والسكينهـ ::

تصدق انى من بعدها صارت ضلوعى منابر ..

كم تعلاها خفوقى يشجب البعد ويدينهـ ::

بصراحه فى غيابك تنغلق كل المعابر ..

كل هالدنيا بدونك تنقلب صحراء وشينهـ ::

افتدى نظره عيونك واشتريها بألف خاطر ..

ومن غلاتك بس عندى عينى صارت لك مدينهـ ::