رسائل اقرحت جفوني

**Mr.Sheevo** · 2009-07-22, 01:10 PM

السلام عليكم ورحمة الله وبركاته

أرتأيتُ اليوم ان أذكر لكم حكاية بسيطة عن فتاة أحبت رجل وهو احبها أكثر

يدعي هذا الرجل ( سيد جواد ) الذي منذُ الحظة الاولى الذي رأى تلك الفتاة تعلق بها

والى ان تقدم لها للخطوبة استمرت علاقتهم من اول يوم والى الخطوبة والعقد .

فترة من الزمن وما يقارب (6) سنوات وقبل زواجهم بفترة من الزمن قُتل سيد جواد

على يد الأرهاب وانا ليس بصدد تفاصيل قتله وكيف فعلوا به وهو وحيد امه ؟؟؟؟؟

ما دعاني لطرح هذه الحكاية هي كلمات هذه البنت

او الفتاة الذي وجدتها في بريده الاكتروني وهي عبارة عن رسالتين في يوم واحد وطبعا

من ضمن عشرات ولا ابالغ اذا اقول مئات الرسائل ترسلهن اليه وهو مسجى تحت الثرا

وحقيقةً لا اخفيكم سراً عند قرأتي لتك الكلمات البسيطة والعفوية أغرورقت عيناي

لدرجة البكاء وردعدت مفاصلي جميعها

لكم الرسالة الاولى

*

*

لسلام عليكم حبيبي الغالي عساك بخير ياحبيب العمر
مشتاقتلك بكل معاني الاسماء لا بكل معاني الحروف حبيبي جاوبني حبيبي انتظرك طولت بغيابك
حبيبي اليوم اجتي خالة طبعا هيه زينه ومثل ماهية حلوة وموردة فلتقلق عليها كالت صفت امورها كلها بيت ؟؟؟ المنطقة الفلانية انباع او اجرت بيت بالمنطقة الفلانية او راح تسافر يم خالة افلانة فليظل بالك راح استلم الاجار كل شهر او اودعه بالبنك او ادزه او رجعتلها الامانة اللي جانت عندي ان شاء الله تحج الها او الك ياعمري كله.

حبيبي ليش مدا اشوفك هاي الايام شنو انت زعلان مني والله ممسويه شي يزعل تعال اريد اشوفك حتى لو من بعيد او اذا تكدر تاخذني لتقصر صدك خالة بوستني او باست شعري كالت هاي لجواد بعده مثل ماهو شلال نياكرا مثل متسميه او كل ما اكص شويه راح اضملكياه الى ان نتلاكة حبيبي احس نفسي بشدة بلياك بس حاجيني او طمني عليك الله يرضى عليك, انتظرك لتطول عليه.
احبك بكد النباتات العايشات والمايتات

الرسالة الثانية

*

*

السلام عليكم
نور عيني
يجوز تكول شو رسالتين بيوم واحد بس لتتعجب لان دا اشوفك بنظرة غير تصدك ظهر اليوم اول مرة انام نومه عميقة صحيح هيه ساعة بس كانما نمت او كعدت غير انسان احس اني فعلا كائن حي عندي دم يسري بهذا الجسد اللي اضناه التعب ونهد حيله بس اهم شي شفتك او عرفت انت مزعلان حبيبي صاير كلش حلو بس شويه ضعفان..
حبيب العمر لتضن في يوم تغيب حتى لو غبت عن الدنيا بسفر يمكن بعيد بس صدك اكو حقيقة ميخفيها غيم انت شمس حياتي تعرف شسويت حبيبي اعرف انت و اني نحب ورد الكاردينيا يا عطر الكاردينيا خليت على كل ركن من صورتك وردة كاردينيا حبيبي صدك وتاكد راح اصير انسانة فعالة في حياه كلمن احب لان انت علمتني شلون احب وحتى شلون انحب اقدملك حياتي شكر وقربان لاحلى ايام عيشتني او ربيتني بيها يمكن اني محظوظه اكثر من غيري لان على الاقل شفت وستلذيت بطعم الحب ارجوك بعد لتكول اني خايف عليج ولا تكول بالي يمج لان اني بطله هيااااااااااااااااتني شوفني كدامك مثل مجنت او كف كدامك او مثل مجنت انتظرك ورة باب الهول من تدخل وتشيلني على رجلك مثل الاطفال الصغار اذا تتذكر او اكيد انت مناسي حبيبي
ها قبل ما انسى احبك بكد النباتات العايشات والمايتات او حتى المايتات تنحي بالحب لو انت شنو رايك؟؟؟؟؟؟؟؟؟؟

خليتك بامان الله ورسوله او اهل بيته يمك ويخففون عنك ان شاء الله

منقول للامانه
تحياتي
Mr.Sheevo