لجل عين الوطن

[طيف الدليمي]

لجل عين الوطن وعيون هاي الناس ...
گتلك صفي گلبك حتى نتشارك
اجيتك شايل ابچفي غصن زيتون ...
ليش انته مصر وياي تتعارك
عوف الطائفيه ومنهج المحتل ...
كافي اتبيع اخوك وتهدم اديارك
مو انته الچنت مضرب مثل بالجود ...
حاتم بالضيافه وشايعه اخبارك
حولته مضيفك غرفه للتعذيب ..
وصفه جمر الدلال اغموس خطارك
چان اليعتنيك اتگصله احلى اثياب ...
هس اليعتنيك ايزرفه منشارك
قلعت اعيون اخوك ولله لو ناخيه ...
چا بيده شلعهه وجابهه الدارك
شجاك اتغيرت مابين ليله اويوم ...
عساهه ابخت كلمن سمم افكارك
اريد آنه اسألك جاوبني بلله ارجوك ...
جارك ليش يمك نزل واختارك
لان عنك سأل گالوله طيب ذات ...
اشلون اطاك گلبك شيلت جارك
من حمل غراضه اعيونك انته اتشوف ...
وتباوع ازغاره اتودع ازغارك
دمع مرته وبناته الغرّگ الوجنات ...
يظل طول الحياة ايذكرك ابعارك
حسبالك تأمن من شعلت النار ...
هم ترجع عليك وتاكلك نارك
باچر تنكره والمنك يعاديك ...
واول ما ايبيس بيك مگوارك

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[•كہاتہم الاـح°زانہ•]

عاشت ايدك ع ابوذيات

موضوع روعهــ و كلماتـ اروع

دومــ الابداع و التألقــ

في انتظــ ـــار القادمـــ



تحياتيــ
ئاسان

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**

**((&&--- گل حبي واحترامي الى من يضف رد لي ---&&))**