شاب شاف بنية حلوة.........

**MR_CoOL** · 2009-09-17, 02:15 PM

شوفو بنات هالمرة اني وياكم ..........
حبيت اكتبلكم على الشباب من يتحارشون بالبنات ......
1- اذا شاف بنية من بعيد راح يحظر لسانة علمود يتهيأ وراهة بس تمشي من يمة راح يكللهة
ما شاء الله لو
فدوة لللللله لو
اسم اللللللله لو
اللهم صلي محمد لو
يعني بعدلة شوية ويبدي يقرالهة من القران

2- اذا نسة هذيج السوالف راح يكللهة
شنو هل عيون
شنو هل خشم
شنو هل حلك (شوف شنو يجي على بالة)
وطبعا الي خشمهة جبير يكلهة شنو هل خشم الحلو
والي حلكهة ممسوح يكللهة شنو هل حلك الجبير
والي عيونهة دكم راح يكللهة شنو هل عيون عيون الغزلان
((اي ادري يا اخي غير تشوف شنو الحلو بيهة لو بكيفك تجذب على البنية))

3- وراهة اذا عجبتة راح يلحكهة وسنة يدور على ورقة وقلم علمود يكتبلهة الرقم واذا ملكة ورقة راح يدور كارتونة مال جكاير من الكاع يكتبلهة بيهة الرقم (باللله شوفو النظافة )

4- هسة كولو كتب الرقم راح تبدي المطاردة وهوة يشوف امهة يجي للولد الالهام الة ينطيهة الرقم هسة (اي كوة تريد البنية تنكتل من امهة)

5-بعدين ورة ميتعب راح يسالهة "تريدين الرقم لو لا؟؟؟؟"ويظل يزن براسهة الة تجاوبة واذا كالتلة "لا" يلزك بالزايد يريد يعرف السبب وطبعا راح يكللهة " ليش عمري ليش كلبي"
(علساس هوة صارلة سنين يعرفهة للبنية)

6-بالاخير اذا انطاهة الرقم اريدكم تباوعولي على حلكة لان راح ينفتح 180 درجة من الفرحة( اي حقة الولد فر السوك كلة انمردت رجليه)واذا منطاهة الرقم راح يروح يجذب(طبعا هذا دب مو فيل بس يمشي) على اصدقائة يكلهم اخذتة للرقم بس انتو مشفتوني من انطيتهيا

تحياتي

احدث المواضيع:

**دمعة ألم** · 2009-09-17, 02:57 PM

:q7:
عاشت ايدك
يسلمو

**اسد الرافدين** · 2009-09-17, 03:17 PM

مع الاسف
هذا بس الماعنده كرامه والمهتلف حشاكم يسوي هيج
لان لو عنده ذرت كرامه جان ماتعب نفسه على بنيه كلشي مايعرف منها
مجرد ماهي خفيفه وضحكتله او غمزتله افتر السوك كله وراها