عضــــ فـضـي ــــو
زرعت حبك بكَلبي وخضر أوعود
وشيَب راس شهرك وانته ماجيت
تهجرني لجل رغبات اشبيك؟
ولجل جيتك بأعز اجروحي ضحيت
مشتول أعله دربك صارلي سنين
حته سنيني صاحت مني مليت
عطشانه القصــيده تريد لحظات
من شوفك تجي وتكمل البيت
دليلي لا تظن شامت مثلمــــــــــا
بكلام وجرحه َ هل ينزف مثلمـــــــا
كلشي يهون بس أرجع مثلمــــــــا
جنه أحباب نتوالف سويه
محتاجك أحلام أتكحل العين
شيخسرك أذا بحلامي مريت
شحيت بوصالك كَتلك تهون
بس كََلي بطيوفك ليش شحيت؟
جفت وراح كل الشعر وصيت
وياك وراح مني النضر وصيت
رحلت سهله برحيلك ليش وصيت
طيوفك ماتمر بالنوم اليه؟
بنص كَلبي الك ماتعرف شصار
ثوره أمن المشاعر يوم المشيت
مثل أم أفكَدت أولاد بالعيد
صدكَني أعله فكَدك هيج ونيت
تعال وشوف بيه شسوه الفراك َ
من كَد السهر ما ظلت أعيون
أترجه بصورك تحجي وياي
ونحر عيني كَطعته بسيف الاضنون
تعال وخل اشوفك حته لو طيف
وأخذ كَلبي وعيوني وانه ممنون
أفكر ما أفكر بيك مرات
أذا أنته الفكر مافكر شلون
بزنزانة اعيوني أحبست الأدموع
بس ذكرك أجه دكَ باب الأجفون
واظل ابجي بهمس لو مرني ذكراك
اخاف امن الشماته لا يسمعون
ابساتين الهجر وديت الأحلام
بلكي تشوف شخصك ويه الأضعون
ما ريدك تردلي وانته ندمان
اريدن جيّتك مثل اليردون
صح شاعر أنه بس أنته موضوع
النجوم ابلا سمه ما ضنتي تفيد
تعال وخل نرجّع ذيج الأيام
وخل نمشي سويه الأيد بالأيد
تعال أيامي صارت كلهه رمضان
جا يمته تجي وتجيبلي العيداحدث المواضيع:
عـضــ ذهبـــي ـــــو
رد: مشتول أعله دربك صارلي سنين
عضــــ فـضـي ــــو
رد: مشتول أعله دربك صارلي سنين
يدللو ومنور وربي
تحياتي الك
عـضــ ذهبـــي ـــــو
رد: مشتول أعله دربك صارلي سنين
شكرا عيني
موضوع جميل كلمات بغايه الروعه
تحياتي
عضــــ فـضـي ــــو
رد: مشتول أعله دربك صارلي سنين
يدللو عيني منور وربي
ضوابط المشاركة
رد مع اقتباس
