من سيربح الطابوك

**Mr.Sheevo** · 2009-09-25, 03:19 PM

برنامج من سيربح الطابوكة؟؟؟؟؟؟؟؟؟؟
مرحبا بكم اعزائي المشاهدين وحلقة متميزة من برنامج من <<<<سيربح الطابوكة >>>>
حضروا ماعون وخاشوكة ولتصيرون حاروكة وساعدوا اصدقائكم للفوز بالطابوكة
معنا 6 مشتركين
الاول: حنتوش ابو فنتوش باع الحوش
الثاني: ستوتة قرديلة كيتر
الثالث: تسواهن زبالة اكرامية
الرابع: سعدون ابو جمبر نيالة
السادس:تاير طسة طار

تصفيق حاد للمشتركين الستة
كالعادة نبدأ بسؤال سرعة
رتب الجملة بالشكل االصحيح
1_تعوعو 2- انفجرن 3- بزونة 4_مفخخة بالقرب من
الترتيب الصحيح انفجرت مفخخة بالقرب من بزونة كامت تعوعو
الاجابات الصح الاسرع طبعا الكل غلط بس الاخت تسواهن زبالة اكرامية تتفضل ويانة
مرحبا اختي متزوجة
- اي وعندي 4 جهال ..احمد وحمدمد وابوحميد وحمودي
-الله يخليلجياهم
نبدا بالسؤال الاول:
اجاج ابو زبالة ماذا تفعلين
1- اغلس 2- اهلهل 3- احط التنكة وافلت 4- انطي 250
-همم طبعا الجواب بسيط وهوة احط التنكة وافلت
- تسهي هي الجواب غلط وفوك القهر من عشيرة اكرامية......
____________ _________ _________ _
ناخذ سؤال سرعة جديد
رتب مايلي:1- ارتفعت اسعار 2- كلما 3-قصرت 4- الاقمشة 5-الفساتين
الترتيب الصحيح... كلما ارتفعت اسعار الاقمشة قصرت الفساتين
الاجابة الصح والاسرع..الاخت ستوتة قرديلة كيتر
---- طبعا والنعم من عشيرة كيتر كلهم اذكياء بس عيبهم بيهم كمممل
نبدي بالسؤال الاول:: ماهو الزي الصحيح من الازياء التالية
1- زي العرب 2- زي الارض 3-زي الاكراد 4- زي الهوى يا حبيبي
---هممم زي الهوى يا حبيبي زي الهوى واه ه ه ه من الهوى يا حبيبي
-طبعاااااااااااااااااااا الجواااااااااااااااااااااااب غلط نتأسف من اخت ستوتة...
____________ _____
ناخذ سؤال سرعة جديد
رتب ما يلي : 1- المليونير هو 2- اقربائة المفلسين 3-الشخص الذي 4- على حل 5- يساعد موته 6 مشاكل
.الترتيب الصحيح: المليونير هو الشحص الذي يساعد موته على حل مشاكل اقربائة المفلسين
الاجابات الصح والاسرع سعدون ابو جمبر نيالة...اهلاوسهلا
س/صرت نفاخة وطكيت واشتريت كشك شتسوي بالجمبر
1-تبيعة 2-خوش مذيعة 3-وجبة سريعة 4- الظلمة فضيعة
--ابيش اتفكر اشو حاير تكدر تحذف 3 اجابات
-- اي زين لعد احذف 3
---- بقالك اجابة وحدة شدكول
---اني شاك بيهة واللله افضل الانسحاب وراسي مرفوع
--- بكيفك الله وياك ____________ _________ __-
سؤال سرعة جديد
رتب مايلي 1-المجانين 2-طريق 3-الزواج 4-طريق الى 5-مستشفى
الترتيب الصحيح
الزواج اقرب طريق الى مستشفى المجانين
الاجابة الصح والاسرع...ألزواج اقرب طريق الى مستشفى المجانين
الاجابات الصح هية الاخ تاير طسة طار
--- مرحبة شتشتغل؟
-- والله اني كية مال بنات اوديهم واجيبهم على باب الله..لان مدااكدر البي طلبات مرتي
عفية نسوان بس جيب جيب جيب جيب
-- اي والله حقك
-- عندك اولاد؟
-- اي واللله ولد واحد الله يعبد عني الحسد اسمة نوري
س/كعدت فد يوم الصبح وشفت الدنية اتزخ مطر شتسوي؟؟
1-تضرب بنات الخط بوري
2-تتعارك وية ام نوري
3-تخدر جاي بالقوري
4-تخابرهم ودكلهم سوري
طبعا الجواب بسيط اضرب بنات الخط بوررررري
-- دكوم الجواب غلط ليش هيجي مو خزيتنة مو ذولة مثل بناتك
-- دروح اصلن همة ميصدكن يكعدن يفلسن باجلة
____________ _________ ____
طبعا بقة ويانة متسابق واحد وهوة..حنتوش ابو فنتوش باع الحوش....
اهلا وسهلا
س/اي من الحيوانات التالية زاحفة
1-افعى 2-تمساح 3- ابوبريص 4- حسوني

-- الجواب حسوني
-- منو حسوني
--- اخوية الصغيروني
اللللللللللللله اكبر اول متسابق بنتقل ويانة للسؤال الثاني
س.الثاني /اتق شر من احسنت---------
1- فيه 2- علية 3 - منه 4- اليه
---- ممكن اتصل بصديق
--- اي ليش لا منوة
--- صديقي حازم صارلي سنة مشايفتة
--- اوكي شكد الرقم
--- صفر ثلاثة اصفار خمس اصفار صفرين
----الو مرحبا حازم اني عاصي الحلاني..اقصد عاصي بسؤال واريد مساعدتك
--- الو ولك هاي وينك وين المليون اللي اتداينتهة مني مو صارلي سنة داادور عليك صدك لو كال ابو المثل اتق شر من احسنت اليه
اللللللللللللللللللللللللللله اكبر شكرا ابو الحزم عالجواب مالتك واللة ساعدتني هواية
انتقلنة للسؤال الاخير
س الاخير/من القائل: نحباني للو
1- حجي راضي 2-بيت جيرانة 3-فرحة ماشاف 4-عبيش كاظم
------اشو حاير ليش متستعين بالجمهور
-- لا يا جمهور كلهم محو امية ميعرفون الاف من الياء
--- اوكف خل اسوي الا بالا برتقالا كلي عمي احسب من واحد للعشرة 1
الجواب هوة حجي راضي
كللللللللللللللللللليش اجابة صحيحة
الف الف مبروك
وفي هذه الاجواء الصحيحة تفضل بأستلام طابوكتك مال بناء ممتازة
--- ولك هاي شنو..اني جاي من الثورة ليحد لبنان حتى تنطوني هاي الطابوكة
--- اي لعد شعبالك
--- عمو وين الموبايل
----يا موبايل انت هاي جائزتك اصلن سعر طابوكة البناء اعلى من سعر طابوكة التلفون
لا مستحيل ليش هيجي تخدعووووووني
اني الكم
وبالاخير انضرب جورج جداحة على راسة بالطابوكة
شلووووووووووووووونه