شباج الحسن

[nosnos]

النبي يوسف حلو ندري احنه كلش زين
لكن ما درينه انت احله من عنــــده
وذا هو بجــــــماله تكَطعت الجفوف:
انت الشاف وجهك ينكَطع جبده
بيك انت عطر ماظن ابد موجود
تخجل من عبيره وتستحي الوردة
وذا جبنه الكَــمر وبصفك نخليـــه
قياساً بيــــك يطلع كلشي ما عنده
ندري انت حلو بس للجمال حدود
وانته بكل جدارة تجاوزت حـــــده
شبابيج الحسن تنسد غصب مرات
بس شباج حسنك ياهو اليســـــده؟؟
يا ابيض وجه والبيض ما يدرون
ماخذ من بياضك كَيمر الســــــــدة
بجمال الغير واضح كلنه مختلفين
بس انته بجمالك كلهه متوحـــــــدة
وذا صدفة ومتت طعم الجمال يروح
ويمكن عله فراكَك يلزم الـــــــعدة
لا تطلع بعد بالشارع اترجـــــاك
لأن والله اليشـــوفك يحتركَ جده

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

واو بداعة
عاشت ايدج
ياوردة
تحياتي الج

[nosnos]

يدللو عيني انتي الروعة
تحياتي الج

[العميد نهاد العراقي]

ندري انت حلو بس للجمال حدود
وانته بكل جدارة تجاوزت حـــــده
شبابيج الحسن تنسد غصب مرات
بس شباج حسنك ياهو اليســـــده؟؟
الله الله
شعر بغاية الرووعه سلمت اناملكِ
الذهبيه و سلم لنا قلمكِ المميز
ننتظر جديدك القادم
تحياتي
العميد نهاد العراقي

[عراقية كوول]

nosnos...

خاطرة أكثر من رآئعة ..

أستمتعت كثيرآ وأنا أتنقل بين سطورها/

كم هي ....أحاسيسك رائعة"

تحـــياتي الحارهــ ،،،>

[nosnos]

يدللو منورين حبايب
كلكم ورود ورائعين
وخجتوني بكلماتكم الروعة
مثلكم تحياتي الكم