*•.¸* الـــــوطــــــــن * ¸.•*

[نونه البزونه]

الوطن بيت النحبه ونعشك اركانه
الوطن… هو السفينه حبنا ربانه
شحلاته عراقنا المحبوب
وشمحلى نخيله او ماي نهرانه
عزيز اوجانت الدنيا
سرور او خير مليانه
جنا او جانت الديره
اعلى ضي الكمر سهرانه
وجنا شمايمرنا العيد
كل الناس تتعايد او فرحانه
ويغفى الروج بكتار النهرمن يسمع غنان
ويغرد بلبل الفتان
يبى ويامعذب الحانه
ويبى…. شحلاته الوطن لو هوست شبانه
ويبى…شحلاته الوطن لو هلهلت نسوانه
نحبه او كل فرد منا
يردد بيه دوم او يلهج السان
العراق البيت
شيدنا ابعزم وبزود بنيانه
ماننسى الوطن هيهات
ولا انصدك عراق الخير ينسانه
ماننساه حد الموت
لأن عشنا او ربينا ابطيبة احضانه
اهو هذ الوطن ياناس
من الزغر ر بانه
عراق البيه كبرحسين
هيهات المذله اتصير من شانه
عراق البيه ابو الحسنين
وسط الكلب ثابت يظل نيشانه
غم رايه النكر للكاع
وغمه النكر خوانه
جاحكه العراق اليوم ينخانه
العراق اليوم
ضاع الصدر بيه اوضاع دفانه
العراق اليوم راحت هدر شبانه
آلاف الشياب امقيده وتصيح
من عدها السجون اصبحت مليانه
الاطفال اتيتمت وصبحت عريانه
العراق اليوم الف شيطان متربع ابديوانه
العراق…
. امخالف الطكات فوكه او كثرت احزانه
العراق اليوم
باكو ماي نهرانه
يخي حكه العراق اليوم ينخانه
ومن صاح العراق وندب شجعانه
انتختله اسباع
كل واحد اسلاحه على العدى ايمان
وصاحوا ياعراق حسين
عد عيناك تلكانه
اجينا انردد الهوسات كوم ا هوس اويانه
اجينا او كل كلب ملهوف
لعد حزب الظلاله انشيله واعوانه
ونكلك ياعراق ارتاح
احنا اسباع ماينجرع ملكانه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[Zaid Al Hialy]

عاشت الايادي الحلوة عالموضوع الحلووو
تقبلي مروري و تحياتي

[نونه البزونه]

شكرا عل مرور

[Metal_Hero]

تحياتي الموضوع حلو بس عيني كامت توجعني لانه اصفر والخلفيه بيضه !!! ااااااااااااااخ !!! بس رغم الوجع قريييييييته ويجنن
عاشت ايدج تحياتي تقبلي مروري

[نونه البزونه]

تسسسسسسسسسسلم عل مرور وسلامت عيونك

[L•َِOَِ•Y•َِUَِ•S]

عااااشت ايدج ورده
تحياتي....

[نونه البزونه]

منور الموضوع

[مريومه العراقيه]

عاشت ايدج ياورده تحيااتي الج