جروح شكثر بيه ويردن حساب
وانه نكضان كلبي وماكو بيه حيل
جروحي هواااي مذر من اجي ارتاح
جهنم فوك صدري يكلبن الليل
انوم جرح عشره يكعدن كعوووود
واكضي الليل وياهن تواسيل
الولي ومن الولي ايلولن اوياي
ومنهن هااااكثر حافظ مواويل
ازغر جرح بيهن شايل الكون
اتصورلي الجبير البيه شيشيل
باول ابتدائي جروحي الكبار
قهر غيمو فوكي ونكطو ويل
جرح اخواني شايب من احاجيه
يتحول علي جن طير ابابيل
ويوكف فوك راسي ايبغك ابغيك
جن ابرهه افادي وخافكي الفيل
وجرح صحباني حيه والهه راسين
وبعد فوكاهه تكرص حته بالذيل
وجرح ليلاي عكرب صفرة اللون
سبع خرزات بيها وسمهن يسيل
وجرح دنياي خنجر ما اله كراب
يصيح الله واكبر وين ما اميل
مدري اشلون كلبي وياهن ايعيش
حجر صاير وصارن بيه محاجيل
دخت بجروحي كلش (عود عقال )
لا والكعبه يمكنهن مخابيل
نكض كلبي يلاهي ماكو بيه حيل
ولغز دنياي يسطر ماكو بيه حيل
انه بدرب الملامه ماكبي حيل
وشماتي صفو خدام بيه
احدث المواضيع:
عضــ برونــزي ــــو
ضوابط المشاركة
رد مع اقتباس