جنت شاريك بس انته البعت

[MR_CoOL]

يسألني أعله حُبه شصار ماصار
وانه حول الجرح ليهسه مادار
وعشت يومي أنتظر بلكي تمر أخبار
وهسه انتَ تجيني تگلي حُبك نار !


مو انه الچنت عندك أبد مو زين ؟!
وانه الماأفيدك كلي شين بشين
غريبه أطباع گلبي وجاي مدري منين
هيچ انه چنت وشغيره التكوين ؟


روح ولاتجي فادتك لعباتك
ولاتبچي ندم ادفنهه حسراتك
ميفيد الندم .. متفيد آهاتك


علمتك تحب وتضحي بأنفاسك
حنين تصير أبد مايقسه أحساسك
ومو كل الكلام تسمعه من ناسك
وخلّك لاتضيعه لأجل وسواسك


الظاهر ماخذت درسي وفهمته بيوم
بس أتعلمت تقسي وتخادع دوم
وعله عش الوفه أغرابك يضل يحوم
كل شي أتبين وما بالظنون تدوم


ناعور الوفه يسموني واسمعني
لذالك ماافيدك لاترافگني
ولا طبعي أعله طبعك يمشي صدگني
چنت شاريك بس انتَ البعتني


وانه انساك اوعدك راح انسه
واشيل من الحزن واسكن الونسه
أعبرت طسات ضلت عله طسه
وانه انساك اوعدك راح انسه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

عاشت ايدك
حبي كلمات روعه وعلى الجرح
نتظر المزيد من الابداع القادم
تحياتي

[nosnos]

الله سلمت الانامل يا وردة
ابدعت
تحياتي الك

[MR_CoOL]

منورين ورود

[MR_CoOL]

منورين ورود