ابراج السيارات ... انت شتسوق؟؟ فوت شوف برجك

[Metal_Hero]

ابراج السياراااااااااات يله شنو برجك

برج الكيا : طريقك مفتوح .. مفتوح يا ولدي ، فليس للمرور دورية .. ولا نقطة تفتيش امريكية ، دوس ( عالسكليتر ) و طلع اكثر من مية .. و زيد الاجر شوية .. و خليها علية

برج التاتا : اهلا بالتاتا .. ايامج معدودات .. و المستقبل ما مضمون ، و يمكن عنج اهلج يتخلفون .. و يعوفونج جنهم ميدرون ! احسن فكرة نشيل الكرسي .. و نسويها غرفة للخطار

برج الكوستر : كدامك عبرية هواية .. راح تقبط و يزيد .. و الواكف مثل الكاعد ، الكل يجيبه يم الايد

برج العنجة : بدل تاير .. و اسرع بدل الجوب ، والركعة انشلعت فد نوب، يمعود ميوصلك .. حتى لذاك الصوب

برج المسكوفج : مالج عيشة بهذي الديرة .. ربعج ماتو و اندفنوا بالسكراب ، كافي عاد .. جم جيل الكطعتيه .. بس ظلو اهل الحلة ملفيج

برج البيجو : ايامج راحت يا حبابة ، و كل واحد منج سد بابة .. جيب الجوزة و بدل سويج .. و يومية وياج طلابة

برج الفولكا : انتي حبيبة و تسوين .. بس مشكلتجبالصيف تفورين ولازم نعرف بالانواء الجوية .. شكد الدرجات المئوية و لازم ويانه نشيل المحرار .. و نتوكل بالله الستار

برج البرازيلي : يا مكثر هذي السيارات .. يا مكثر بيها الدعمات .. و جيب البنزور و رجع الدسكات ، يابة اعتبروها ماتت .. والله اليرحم كل الاموات

برج السوبر : ثكل عيني .. كدامك طسة ، واحذر من ذولة الخمسة .. لا توكف هذا كمين ، و الشارع مو امين ، احسن شي لوف اللوفة .. لتصير بحلك العالم سالوفة

برج السني : يا سني .. يا سني يا صفرة ، يا سيارة الاجرة ، اهلج للفيتر ودوج ، و بكرين الاسطة علكوج .. شنو مدعومة لو حسدوج

برج الباجيرو : يسموها الحلوة .. يسموها ليلى علوي .. و مثل الكمر يضوي ، بس يا حيف اهل الفرهود يدوروها .. يدورون الغفلة يبوكوها ، والسايق .. مسكين السايق ، شايل دمه يجفه خافن ليلى علوي يزفوها .


















51:تحياتي 51:

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[JoJo 4 ever]

هههههههههههههههههههههههههههههههه عاشت ايدك عالموضوع.

[سََـ,,ـفِــير الـَـحُبــ,,ـ]

هههههههههههههههه

عاشت ايدك حبي على الموضوع

تقبل مروري

تحياتي&سََـ,,ـفِــير الـَـحُبــ,,ـ

[Metal_Hero]

تدللون حبايب شكرا عالمرور الرائع

[AbO RiShA]

هههههههههههههههه
شكرأ ورده عاشت الايادي