ابوذيات الفطاحل \ نائل المظفر \ عريان السيد خلف \ مهند الهاشمي \

[ميدو ابن صليخ]

ابوذيات عريان السيد خلف

تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه

أنا صابر وانتظر واشوف وعداي
أنا طحت ومرضت مرض أيوب وعداي
أنا خبرك ياحبيبي درى بوعداي
البقى ابراسك هواك العمل بيه

نحيل الجسم بودادك وداراك
عجيبه الغيرك عني وداراك
أحلف ما أصل بابك وداراك
ولاقولن جنت صاحب إليه

ابوذيات مهند الهاشمي

اعاين عالجرح مسموم جسماي
نشف دمي ونزف لليوم جسماي
جرح ما طاب نزفه وجس ماي
لان خنجر حقير انطعن بيه

اشد هموم حزني من هوايه
واعد جروح گلبي من هوايه
اذا مجروح فدوه من هوايه
انه انواع الجرح طابت عليه

تدري المحبه وياك من جم
واحسب صفنتي لحالي من جم
واذا گلبك للعشك صاير منجم
نضل طول العمر نعشك سويه

تضم حزنك عليه وما تعرفه
وتريد لگلبي توصل وما تعرفه
لان حبك حبيبي مات عرفه
اذاً طاح الگلب من بين اديه

ابوذيات نائل المظفر

جمع ربك غزالة وي نمر بيك
وادور وين شهدك وين المر بيك
ومر بيه تكلي وين امر بيك
امر شلون بيك وانته بيه


زاد بكلبي شوكك وانته قل بيه
وصعد للراس حبك وانتقل بيه
احب شلون بعدك وانته قلبي
وانه بكلبي احبن مو بديه

صار سنين ما تفهم وانا اشراح
وليش جروحي يلتحمن وانا اشراح
راح تروح من عندي وانا شراح؟؟؟
راح اصفك اظل بثنين اديه

الفضل والاعظميه چا نسني
وعشت يومين بيهن چا نسني
صديقي گبال بيتي چان سني
ونزور حسين انا وياه سويـــه

احدث المواضيع:

• دآآرميـــآآت ~
• مـ,ـكـ,ـتـ,ـبـ,ـة آبـ,ـۅذيـ,ـآتـ,ـ آلـ,ـشـ,ـآعـ,ـر آلـ,ـمـ,ـبـ,ـدعـ,ـ ضيـ,ـآء آلـ,ـمـ,ـيـ,ـآلـ,ـيـ,ـ ..^
• سجل حضورك بأبوذية
• ابوذية كولش حلوة واحبهة
• ابــــــوذيـــات
• ابوذيااات حب وعتاب
• ابوذيات و دارميات منوعة
• مجموعة ابوذيات للشاعر المرحوم عبد الحسين الحفلي
• الاب والابن
• ابوذيات ودارمي

[حمكي]

عاشت ايدك وردة
حلوووات
نتظر المزيد من الابداع منك
تحياتي الك

[nosnos]

يسلمووووووووو عاشت الانامل يا وردة
ابدعت
تحياتي الك

[sυρєянυмαη]

يسلمووووووو
كلش حلوات
تحياتي

[الماسة الزرقاء]

مشكور
عاشت ايدك
تحياتي