اوكــــــــــف

**nosnos** · 2009-10-26, 07:49 PM

اوكف وين رايح شتحسب انجنيت

لك اني البحر ما ينحسب حدي

انته المنك اكبر جربوا وياي

غركوا بل النهايه بجزري وبمدي

تصور من كثر ما بيه غيره و زود

كدرت السما وما طلعت بكدي

انته من اجيت وياك جبت فلان

واني من اجيتك جيتك لوحدي

من اجيتك اعزل اني وشوف

بس غيرتي وزودي وكلشي ما عندي

جنت ملموم اني بوكت ضيم الناس

وانته لهل الوكت ضليت متبدي

ضل خدك يصفعونه هذاك وهاذ

واني وداعتك محد وصل خدي

على جفوفي يحط المطر يشرب ماي

وتلوذ المنايا وتكعد بسدي

ويا اسمي انتهى كل حجي الي يحجون

وصدكني السوالف بأسمي من تبدي

لتكلي منافس وينك انته اووين

خاف اسمر شفتني تصورت هندي

المبدع ضياء الميالي

**AbO RiShA** · 2009-10-26, 08:06 PM

حلوو شعر رائع
شكرآآآآآ
بأنتظار جديدكِ

**nosnos** · 2009-10-26, 08:09 PM

ولو يدللو وردة نورت
القصيدة

**دمعة ألم** · 2009-10-26, 08:53 PM

يسلمو وردة
على الطرح المميز
تحياتي الج
ننتظر جديدج القادم
تقبلي مروري البسيط

**HamaDa** · 2009-10-26, 09:05 PM

عاشت ايادي عيوني
تحيااتي

**nosnos** · 2009-10-27, 07:55 PM

يدللو الحلوين
ولو نورتو
تحياتي الكم

**Miss Alrassam** · 2009-10-28, 03:33 PM

عاشت الايادي المبدعه
وسلمت الانامل الزاهية
تحياتي الج وردة

**nosnos** · 2009-10-28, 06:04 PM

ولو زيزو الوردة
نورتي وردة

الموضوع: اوكــــــــــف