مايسوى الزعل

[حمكي]

مايسوى الزعل
تعال لخاطرك ظل عندي مكسور
وصدك اعترف انه الكسرته
تعال الكلبي متيتم بلياك
تعال لخاطري ونشف دمعته
صح مني الزعل مابيك كل صوج
واحسب روحي جي كلبك شلعته
تعال وخل نشد حبل المواعيد
حيل اتندمت لمن كطعته
كتلك عوفني كل قصدي الاشيك
كلت الحب حلو لتونس زعلته
مااصورك متنطر ا لهاي
ابوجهي الباب شو راسا قفلته
اعتبرني بهاي جاهل جنت احاجيك
وطفل غلطان ماتغفر غلطته
شمالك صدكت اكدر عالفراك
ومااشوفك بعد كل عقلك انته
صوتك بيه روح اتصور الحال
ترد الروح لو صوتك سمعته
انه مسودن اشلون ازعل عليك
الزعل يضحك عليه اشمازعلته
اكابر صح جنت مااحجي وياك
روحي اتروح يمك تحجي سكته
شجاك اتعوفني يمعود اشبيك
وكلبي عليك يمعود فطمته
صبرت اهواي بلكت اكدر انساك
وماكو انساك بس اتذكر انته
كمر وجهك تعال وضيع الليل
وخلي الليل يرجف من طلعته
ترهملي انته بس وارهم عليك
ومايسوى الزعل شكك صفحته
اعتذرلك هسه اجيت وكون ماجيت
وعساني البابكم لا ماوصلته
كتلك انته اليه وملكي للموت
وغيري وياك ماترهم عشرته
كاعي انته وزرعتك وانه فلاح
ليش الغير يحصد بالزرعته
كلبك هذا يمي وسولف وياه
اكيف لو يقنعك لوقنعته
مااصبر بدونك لحظه ماعيش
هذا الصوت من كلبك سمعته
تعال بسرعه نرجع نسحك الراح
ومن كلبي الزعل صدك شلعته

تحياتي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

الله ليجيب زعل
شعر رووووووووووعة
تحياتي الك يامبدع
لا تحرمنا من جديدك المميز
تقبل مروري البسيط

[حمكي]

منورة
شكرا على المرور العطر
تحياتي

[nosnos]

سلمت اناملك ابدعت
تحيايت الك

[ميما الحلوه]

يسلموووووووو ورده

تحياتي

[حمكي]

منوات عيوني
تحياتي