اكفر بدينك

**nosnos** · 2009-11-15, 05:51 PM

اكفر بدينك

يا الشايل حسن مو بالسهل ينشال
عله الوادم نكلك ربك يعينك

من تفوت كلهه تمد عليك عيون
وتروح عيون كلهه بنظره من عينك

حلو وأمك وابوك اعتنوا كلش بيك
دقه وقمة التكتيك منطينك

تصور بيك نفسك معجبه وتهواك
وجن قصة عشك ما بينهه وبينك

خدك ينكلب شفتين من تنام
ويبذب نفسه اعله نفسه يبوس خدينك

من توكف سنينك توكف وتتناك
او وي نكلة جدامك يمشن سنينك

عله كيفك دخيلك تره طيور الناس
وتهددهم يطير يحوم شاهينك

وصيناك رفقا بينه زاد الضيم
لو ندريك تزعل ما موصينك

كتبتك بالكلب جن هارب مطلوب
من حضن المحبه وضاعفت دينك

وشفتك بالجرح بس جتفاني الخوف
وكلت بلكن تفلني بهاي جفينك

وما فلني ...ولكن طلع ذو حدين
والتفّت ركبتي ابين حدينك

وعله دينك كلت مو مسلم وصديت
حسبالك نكلك روح ناسينك

وك شورطك كيفت اني بهاي
حته من الزمنك اكفر بدينك

**MR_CoOL** · 2009-11-15, 11:11 PM

شكرا ورده
عاشت ايدج عيوني
واصلي ابداع
تحياتي

**دمعة ألم** · 2009-11-16, 12:07 AM

حلو عاشت ايدج وردة
تحياتي الج
يامبدعة
تقبلي مروري البسيط

**حمكي** · 2009-11-16, 12:08 AM

مشكوره ورده
تحياتي الج

**ميما الحلوه** · 2009-11-16, 03:40 AM

رووووووووعه يسلموو وردايه عاشت ايدج
تحياااتي

**طيف الدليمي** · 2009-11-16, 02:23 PM

روووووووووعه رووووووووعه
كلمات الشاعر حبيبي وصديقي
ضياء الميالي
ششكراً على النقل المميز
تحياتي

**nosnos** · 2009-11-16, 08:16 PM

يدللو نورتو حبايب
بردكم الحلوة والطلة الاحلى
تحياتي الكم

الموضوع: اكفر بدينك