صغيرة وماتعرف تحب

**MR_CoOL** · 2009-11-19, 03:17 PM

- صغيرة وماتعرف تحب -

صغيره وما تعرف تحـــب .. ولا دغـدغ گلبها الشــــوگ
خفيفة بشط هواها تروح .. ودومها تعاتت اويه الموج
صغـــــــيره وحســـــرتي چبــــــيره ..
يا صاحبي ما أظنها تفّل ..ولا اظن تحصل اليشتل
تصــد مــرّه وأعاتبــها .. تراضيني وترد تجفــــل
لا غلطه بدت مني .. ولا كلمه گلت عنها ولا عني
أهيم وما أگول أرجع .. تجي يمّي وتجابسـني
أنام وحتى ساعه أهجع .. تجي بطيفي وتفززني
وأحس بحرگه بضلوعي .. وتضل تدي وحنيني يصب
وأگول هذي هم قسمه .. صغيره وما تعرف تحب

كثيره أيام يا ناس وآنا هالحاير .. لا شوره تدليني ولا شاير
واشوف الناس كلها عـزاز .. وآنـــــــا وحيـــدهم بايــــــر
اشـــجاني واشحصلت منـــــها ؟
أوادم وشت عليّ .. مثل ما وشـــت عليها ؟
لا ماكو عواذل .. العواذل ما تحاجيـــها !!
عرفته اللي كــان واشـــيها .. !!!
ولك يا صويحبي استاذي يحـوم ويـدور عليها
تحاجيه ويحاجيها .. تناغيــه وينــاغيها
أقول يا صاحبي اسندني .. أشوف الدنيا تتل بيني وأتل بيها
وإلا استادنا ريّض .. يقــــول هالنـاس شعليها

حســــافة اســـتاد .. جنك ما دريت بحسبتي وياها
حســــافه اســــتاد .. قلبي اللي هواها شلون ينساها
شـــگول عليك يا استاذي .. شــريد أدعي ؟
عسى انك بضحكه تسيّل عالوجن دمعي
شـــتريد انطيـــك شـــهديلك ..؟
تـــريد گلبي وگــلبي تايــه بهمها ؟
تريد روحي وانت الروح ظالمها ؟
تريض وانعل الشيطان .. وحس بنخوة افادي
لو كل ما حجيته وياك ما ينگال يا استادي
خل يشهد علي الشــرجي وعلي الهــادي
أريدنها واحبنها .. وحگ عيناك يا استادي أحبنها
أنخي عليك أبو حزامين لا توصل بعـــد يمها
ما اقدر انجحنها إن سـاعه اضحكت ويــاي
ولا أقدر اسقطنها إن صــدت تـريد جفـــــاي
منين أجيب الشهادة منين وارضي بيها هواي
وأنا حسره عليّ يا استادي شربة الجاي
بس عندي گليب يا محلاه .. ألف حسبه تحس بچلاه .