الشاعر عريان السيد خلف :
تظن انساك وانته الروح ...واسلاك
سبب مايوم مني انقطع ...واسلاك
اعيش آنه عكََََََََََََََََََب فركَََََََاك ...واسلاك
معافي والوشاة اعملوا بيه
****************
قسيت اوياك يسمر ...عمي انا
اوعين الماتشوفك ...عمي انا
اذا خالك فزع لك ...عمي انا
تبرى اوضحك الوادم عليه
***************
عايش مختلي ابحالي ...وخالي
وشوف اهواي بعيوني ...وخالي
عمي ذب عليه جمره ...وخالي
جاب امهفته وهفّّّّّّه عليه
**************
الشاعر عادل محسن :
شربت الجاي مرمر ...بستكانه
ولا ضليت كاعد ...بستكانه
سبع بوسات يسمر ...بستك انه
ولا اشبع اذا اوصل الميه
**************
بضحكه وسالفه حب ...قشمرتها
وخذت من عدهه بوسه ...وقشمرتها
مكيّّّف عود اني ...قشمرتها
اثاري هي الي تقشمر عليه
************
اكََََََََطع من خدودك ورد ...واشتم
ولا ادري اشكد بقه امن العمر ...وشتم
امرخّّّّّص سبني كلما ردت ...واشتم
شتايمكم ثواب الوالديه
************
الشاعر سمير صبيح :
عليمن تحسب اغلاطه ...تعدله
الميّّّّّت بالبجي شتضن ...تعدله
الاعوج عوده صعب ظله ...تعدله
يظل اعوج لما تلفه المنيه
************
جرحني والجرح ملكَََََََيت ...وصفه
يوصفلي وعليه ايتيه ...وصفه
يخبطنر الزمن والعوز ...وصفه
انا الخابط ابد ميلوك اليه
*************
الدنيا شما احبّّّّنهه ...وابرهه
تزرفني ابمخايطها ...وبرهه
جاعت ناكََََََتي واكلت ...وبرهه
الدرب طوّّّّل واخاف اترد عليه
*************
الشاعر صباح الهلالي :
سلالتكم نسب يوسف ...نسبهه
الدنيه بغير نضراتك ...نسبهه
الوادم ميه بالميه ...نسبهه
بس نسبه جمالك سبعميه
*************
بسواد العين يسمر ...منته رابي
شعجب فكرك تغير ...من ترى بي
انه ما اظن ترابك ...من ترابي
حضنتك والعسل جلّّّّب بديه
*************
هوينه ومن هوينه ...من هوينه
غشمه وما عرفنه ...من هوينه
اليوافي بالمحبه ...منهو وينه
اذا تلكَََاه اكص ثنين اديه
*************
الشاعر محمد رحيمة الطائي :
عشرتك روحي صدك ...ما تملها
وكَََلبي ايام سعدك ...ما تملها
اريد انصب لروحي ...مأتم الها
واشوفك هم تجي وتبجي عليه
**************
لو تعرفني احبك ...واشتمنك
ولأن منطي للواشي ...وشتمنك
اريد اليوم احضنك ...واشتمنك
واشوفك هم تذب روحك عليه ؟
**************
لو رأساًًًً تكلي ارجوك ...هدنه
وتعاركني وتريد النوب ...هدنه
ولك والله العشكَََََ وياك ...هدنه
مريض آنه تعال اسأل عليه ؟
*************
الشاعر عبد الحسين الحلفي :
لساني لو تحبني ...شاطراني
واكرهه الذي بحبل ...شاطراني
خذت 100 بمحبتك ...شاطر اني
اذا غصباًًًً عليك اتصير اليه
*************
قضيه اسمك على اسمك ...ماشخطنه
ازدحام احنه عله دربك ...ماشي خطنه
شتضن من كَََََد حلاتك ...ماشخطنه
اليشوفك ينشخط ميه بالميه
*************
محبتك كهربتني ...شاره بيهه
وحجه كََََلبي ويعكََََلي ...شاره بيهه
محبتك جنهه سيد ...شاره بيهه
اعله غيرك باوعت شوّّّّّرت بيه
**************
الشاعر نائل المضفر :
بس احنه المصايب ...صاحبنه
لان كل ساع نفكََََََد ...صاحبنه
ابنّّّّّّه مات محّّّّّد ...صاح ابنه
خاف انصيح وعدمون اخيّّّّّّّّّّه
************
السعاده منين اجيبنهه ...والافراح
وعله الخوان راح اصفك ...والف راح
الف عدموه والف سجنوه ...والف راح
واتاني وما رجع واحد اليه
***********
اكَََََوم اجلالا الحسنك ...وقفلك
واسجّّّّّل كََََلبي ياخلي ...وقف لك
واحطّّّّك بيه واقفلنه ...واقفلك
واطب الصدري واقفلكم عليه
*************
الشاعر ناظم الحاشي :
ردم وجهي التراب وكََََمت ...عناي
الك يالما عرفت النشد ...عناي
افز فزة حيايه البيد ...عناي
بحلم لو مر صدى صوتك عليه
************
حبيبي مولع بشوكك ...والاعصاب
وضكََََت مر الهوى لجلك ...والاعصاب
بعد ما ظل صبر عندي والاعصاب
هاجت والخلل بيّّّّّّن عليه
*************
شوس لو روس وجناتك ...وجنبيك
ويظلمك كلمن ايوصفك ...وجنبيك
اعذره الهايم ابشوكك...وجنبيك
الصفات البيك بس بالحور هيه
*************
الشاعر جبار رشيد :
مشغولين بيمن ...من شغلكم
ولو مو شغلي هذا ...من شغلكم
بعد ما راح ابجي او ...منشغ الكم
اموتن راح واخصمها القضيه
*************
ما شاء واظن اليوم ...شالك
واعله راسه احس الكََََََلب ...شالك
على شعرك لون تذب ...شالك
تذب الروح طركَََََاعه وبليه
*************
حبيبي بيا بخت وياي ...شديت
عده هجرك الي اشقدمت ...شديت
بصبعك حتى تذكر خيط ...شديت
انحصر دمك ولا فكّّّّّرت بيه
احدث المواضيع:
عـضــ ذهبـــي ـــــو
.gif){kind=icon}
ابوذيات مختارة لنجوم الشعر الشعبي
رد: ابوذيات مختارة لنجوم الشعر الشعبي
ضوابط المشاركة
رد مع اقتباس