زهيري روعه عن المحافظات

[nosnos]

وحگ الواســـــــــــــــــــع بسمعه و ........ بصره
وعدوي لو نظرني بشــر ماخوفني .......... بصرة
بصري انه ولحد المــــوت اعشگ .......... البصرة
تواصلني بأصالتهه وبهواها موصل
سليكون بهواكم لاني عــازل لاني ......... موصل
رحمة الله عالما گطع رحـمه ودوم ......... موصل
هايم بأرض نبي الله يونس الشگرة ........ موصل
لو ما هي ما حلت بعيوني بغداد
وســـــــــــــــــفة الانيقة تنظلم ......... بغداد

سلام الله على باب الحوائج اســــد ........ بغداد
بالارض جنة وروعة سمــــــــــــــــــا ......... بغداد
الشر غير لونهه من بيضة الرمادي
نار الغــــــــــــــــــدر تطفى وتصبح ........... رمادي
خلي منطقك ابيض دوم وتحاشـــة ........ الرمادي
حي الله اهل الكرم والــــــجود اهل ........ الرمادي
بالغيرة جبل عالي وضميرهم مايوم جف
نشف ريجي وشما ارتوي رد انوب ............. وجف
مااشبع من زيارة علي وحب اهل ........... النجف
گلبي سمچة وتايهه ابـــــــــــــــحر .......... النجف
يأرض المذهب الشيعي ومنبع الدين
شما توفي تضــــل مطــلوب للجبار ............. دين
اليواسيك بدمعته ترى حـتى الدمعة ........... ديـن
اخذ عروبة وحـــــــــــلم من صلاح ............. الدين
اهل چلمة وبيـــــــــــــــــهم الوفى حله
حبيبي مرافگ الزغـــــــــران وترك .............. حله
بالك تحرم شــــي الله بجلاله امر .............. حله
يالتسئل عالـــــــــحلو ترى الحلو ............... الحلة
شافت ضيم وقهروفوگ القهر بله
گلبك لا يجــــــــــــــف وبرقتك دوم .............. بله
وهل دمعة عالـــــــــــــــجره برض ............ كربله
اسودت بوجه الحسين ونجمعت كرب.......... وبله
لامامي مابطل زيارته ومد ايدي اله
المدي ايده ما ستنكف من مد ............ ايدي اله
ونطي وجه ريان مثل برتقال ............. ديـــــــالى
ثلث الطگ للـــــوطن وثلثين ............ لديالــــــــى
صرح هي بداخلي ومبنية عمارة
قيمة البشر مو فلوس وسـيارة ............ وعمارة
البشرللموت يمشي شما طالت .......... عمارة
مدرسة غيرة وزلــــــــــــــم ارض .......... العمارة
للحگ فزعو فرد فزعة وكلهم ناصرينة
ثلة ارجــــــــــال سبعين لحسين ......... ناصرينه
اما من نـــــــــــــــــــــــاصر وقلة .......... ناصرينه
بالرجال مجربة كـــــــــــــــــدهه ......... الناصرية
اخلاقها بالعرف مضيف وديوانية
ضيفي اله عيــــــــــوني وصدري .......... ديوانية
بالشعر اسولفله شـــــعر ونظلمه .......... ديوان
يالگاصد ارض الــــــــــــعاصمة مر........ بالديوانية
تلگاها ابية نفس هي مثل كركوك
جميلة مكـــــــــــــــــــحلة بالنفط ........... كركوك
وعيون الطــــــــــمع كلهه على ............ كركوك
العرب گالت الي والكرد تتمــنى ............. كركوك
تندرج لقليمهم وتصبح مثل اربيل
حر البصــــــــــــرة ماينحمل ومعتدلة.......... اربيل
طبيعة وبالشـــــــــــــــــــــــــكل اوربا ......... اربيل
اريد انشدكم ياعرب هم عدكم نفس ......... اربيل
عروس الوطن ومكمل حسنهه السليمانية
مغرورة بحلاوتهه حگـــــــــــــــــــــها ...... السليمانية
اتفك الصدربسحرها وجبلــــــــــــــهه ..... السليمانية
جمال وحسن منــــــــــــــــــظر اهل ...... السليمانية
بس لو تصعد للثريا ما تلحگ البصرة

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

تسلمين ورده
عاشت يادج
تحياتي الج

[sυρєянυмαη]

رووووووووووعه
عاشت الايادي
تح يا تي

[دمعة ألم]

عاشت اناملك وردة
واصلي ابداعك المميز
تحياتي الج
تقبلي مروري البسيط

[@@Staunch توفي @@]

عاشت ايدج
وتحياتي الج
فد شي رووووووووووعه

[L•َِOَِ•Y•َِUَِ•S]

الله عالابداع
تسلمين ورده والله يوفقج

[nosnos]

ولو نورتوني
ونورتو مواضيعي
بهلطلة الحلوة