احلة اعبوذيات واسم الاعبوذية علامة

[ابو الجكاير]

علامه...
علامه الوكت مرمرني علامه
لجمني وحطلي بكلبي علامه
لصيرن لك مثل راغب علامه
واغني لناري البكلبي غنيه
............ ......... ......... ......
دخيلك حبيبي يابعدالروح بس تان
اريد اخذ من الوجنات بس تان
صرت مثل كاع البصرة بستان
الثمر للناس وانا اعثوك الية
............ ......... ......... ....
اكطع من خدودك ورد واشتم
ولا ادري شبقالي من العمر وش تم
مرخوص سبني كل ماردت واشتم
شتايمكم ثواب لوالدية
بصـــــــــــــــــراوية
............ ......... ......... ..
حبيبي ليش طول علي ورداك
ياحارمني من شم عسل ورداك
اشمه لون كله اشواك ورداك
اشمك واليصير يصير بيه
............ ......... ......... .
دخيلك حبيبي يابعدالروح بس تان
اريد اخذ من الوجنات بس تان
صرت مثل كاع البصرة بستان
الثمر للناس وانا اعثوك الية
............ ......... .........
يابو تراجي ذهب والركبه من مرمر
كافي مو كلبي انجوه وبصدك ات مرمر
شيصير لو بالغلط مره بسنه ات مر مر
وبشوفتك تنطفي نار اللي بيه
............ ......... ........
يجفني اللي سهرت الليل يرمد
وبحر هجرك جزر ما بيه ير مد
شمالك ما تطيب الجرح يرماد
خفت جمرك ولا دفيت اديه
............ ......... .......
لعب بيه الوكت طشني ولمني
ذنبه ورجع عاتبني ولمني
آنه الحرك دلالي ولمني
اعز ناسي وضحك شمتان بيه
............ ......... .......
مهله انطيني واصبرلي لعلماك
اخاف اتكول مايدري لعلماك
انه الساريه الواكف لعلماك
من اطيح اطيح خركه عله الوطيه
............ ......... .......
الحزن لايك على كلبي ويه فيت
فت حيلي ومعا شوفي ويــــــافت
غبــت ونتـهت كلش ويـــــــــافت
اشم بالذيل والراس البليه
............ ......... .......
طبعك مو شجي وكتلك شجاني
شجنيت وياك شو كلي شجاني
امس جنت انحظن ونشم شجاني
كنفذ والحضن حسره عليه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

عاشت الايادي
تحياتي الك وردة
ننتظر المزيد من الابداع المتوصل
تقبل مروري البسيط

[حمكي]

حلووو
نتضر المزيد من الابداع
تحياتي

[L•َِOَِ•Y•َِUَِ•S]

طبعك مو شجي وكتلك شجاني
شجنيت وياك شو كلي شجاني
امس جنت انحظن ونشم شجاني
كنفذ والحضن حسره عليه

ذووووووووق عاشت ايدك حبي وسام

[ابو الجكاير]

حياكم الله والكل الي دخلو هلا بيكم هلا

وتسلمون على موروركم الرائع