حمامة بيت ..للشاعر رياض الركابي

[دمعة ألم]

يسرني ان اقدم لكم قصيدة ( حمامة بيت ) لشاعر الحب والغزل .. رياض الركابي


بعد عطرچ إبطي اثيابنه يفوح
وبعد بوساتچ إتطرّز ادينه
وحشه الليل بغيابچ نگضّيه
او عگب حضنچ ولا ليله دفينه
روج الحزن عالي ، وطاح الشراع
إحسبي ايام غرگانه السفينه
بحديقتنه او وردها ، او فوگ الاغصان
لو تدرين .. چم دمعه لگينه
إبغيابچ .. شمعه صرنه ابرحمة الريح
الف مره اشتعل دمنه او طفينه
اليصبّرنه يگول العوض بالجاي
ما يدري الثلم ، ماخله بينه
صح نضحك .. ولكن ضحك مجبور
واللمّاح ابد ما تخطي عينه
ما انطت ابد حصتنه للغير
ويانه الدنيا بالشوغات امينه
ونگللها اكتفيتي بالاخذتيه ؟
وبعدني اتگول .. وتأشّر علينه
لو بالمال وفيّناها الديون
المطلوب ابعزيزه اشيفك دينه؟
بدم اگلوبنه او گوّه اشتريناچ
او ملكنه الدنيا من يوم اشترينه
حمامة بيت روحچ كل مسا اتطوف
لو تنباع .. هم تبقى حنينه
مثل مجرى الندى بخدود الورود
ما غثينه احد من بچينه
وذا بطل يهل اهلال عالناس ..
ذيچ اللحظه گولي احنه نسينه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[L•َِOَِ•Y•َِUَِ•S]

الله الله
ذووق وابداع
عاشت ايدج ورده

[حمكي]

ابداع في ابداع
مشكوره ورده على الموضوع والجهد
عاشت ايدج
ودوم الابداع
نتضر كلشي حلوو منج ومميز
تقبلي مروري البسيط
تحياتي الج ياغالية

[MR_CoOL]

ألبَحثُ عَنكِ.. طالَما أعياني
ولِقاؤكِ ما كانَ في حُسباني
فإذا بِها الأقدارُ تَجمَعُ بَيننا
فَتَآلَفَت..... أرواحُنا بِثَوانِ
نَطَقَتِ فَكانَ لِصَوتكِ لَحنٌ يَفي..
ضُ، مَشاعِراً فَيّاضَةَ التَحنانِ
لكنّهُ.... لَحنٌ يُخالِطُهُ الأسى..
أحسستُ فيهِ لــــواعِجَ الأشجانِ
فَكأنّما........ قد أطلَقَتهُ رَبابةٌ
أوتارُها..... صُنِـــعَت مِنَ الأحزانِ


زميلتي الغالية

خط قلمك كلمات رقيقة جميلة

تحياتي لكِ من القلب

[دمعة ألم]

منورين عيوني
تحياتي