كون تشوف

[L•َِOَِ•Y•َِUَِ•S]

جبت كلشي وعفت كلشي

ومدري شلون اجيت امشي

اجيتك ردت اكلك شوف

ردنه نعوف كلشي وماكدرنه نعوف

وكون تشوف حالي شكد الك ملهوف

جبت كلشي اليسولف بيك

خيالي. . .وصحوتي. . .وطيوف

جبت دكات كلبي الكطعن كلبي بجفاك سيوف

جبت صفنات روحي السودنت روحي

مثل جني وعل يتيم يحوف

وكون تشوف بشفافي الحزن ماخله بسمه تعيش

وكلما كمت ابوسه اطبع بخده حسره واووووووووف

وكون تشوف دموع الجدم مايدريوين يروح

والخطوات عميه وتايهه بلا شوف

وكون تشوف خلصت الوجوه وشفت كل ناس

كلها وجوه غربه ولا وجه معروف

وين الكاك؟

خلصت الوجوه وخلصت كل الناس

وين الكاك يلموصوف اليه وانه الك موصوف

يلفركاك غربه وكلشي مامالوف


انه بلياك مدري شبيه مابيه

زلف وبلايه ترجيه

نهر فاض وتبع ميه

رجع بس مالكاله جروف؟

وكون تشوف روحي شخله بيها الخوف

مطلوبه نذر وتخاف ماتوصل حضرتك من بعيد تطوف

وكون تشوف روحي شخله بيها الخوف

مثل حله مدارس روحي احسها اطفال

راحت وتركتني وباقي بس صفوف

وياوحشه صفوفي. . .وياوحشه بيوتي

يا وحشه عيوني. . .ويا وحشه ضنوني

ويا لون الوجه البعدك بقى مخطوف

يا قسوه ضنوني الماتريد ارتاح

وانه الصاير اسير وبيدهن مجتوف

كون الكاك واشكيلك على جروحي الكيت الغشمه ببيها تروف

كون الكاك واحجيلك بكتاب السنين انحذف كلشي الجان

بس اسمك بقى مامحذوف

وذكرك من مسحت دموعي باخر يوم على خدودي

احس ليهسه طبع جفوف

وكون الكاك واشكيلك عيوني نظيفه تصير وكت النوم

هلبت بلحلم منك تجينه طيوف

م.ل

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

عاشت ايدك وردة على الطرح المميز
روووووووووعة
تحياتي الك يا مبدع
تقبل مروري البسيط

[L•َِOَِ•Y•َِUَِ•S]

اشكرج ورده من ذوقج هذه
يسلموو عالمرور

[MR_CoOL]

الله عليك وعلى روعة كلامك
شعركَ في قمة الروعه والجمال
سلمت يداك وقلمك الذي خط لنا هذه الكلمات المعبره
دمت بكل الود والتقدم
وتقبل مروري البسيط

[L•َِOَِ•Y•َِUَِ•S]

نورت صديقي
ومن ذوقك هذه

[Miss Alrassam]

عاشت ايدك وردة دومهل الابداع
دمت ذوق وتميز
تحياتي الك

[L•َِOَِ•Y•َِUَِ•S]

انتي العايشه ورده
من ذوقج هذه

[nosnos]

سلمت اناملك
ابدعت
تحياتي الك

[L•َِOَِ•Y•َِUَِ•S]

نورتي صفحتي
شكرا لمرورك