الحدمن ياوطن

[العاطفي]

الحدمن ياوطن نايم على الغيض

وعمر الغيض مانام ابفنيتك

اسمك صبح مابين الوفيات

وحكام العصر باكو هويتك

عدمن تشتكي اوكلها تماثيل

اوياتمثال يهتم ابقذيتك

شكم حاكم اجاك اوشبعك موت

ضل ياهو اليجي ايطب ابخطيتك

حاير ياوطن متكولي اشبيك

من يوم الصرت حاير لكيتك

ليش ابكل وكت مذبوحه هل ناس

اوعلى الموت الغصب فاتح شهيتك

تمنيتك تفز من نومتك هاي

اوتشوف اشلون حالك تمنيتك

الف الجناسي استوطنت بيك

غافي الحدمن اتضل ابغفيتك

اصحه ياوطن تاريخك انباك

او ناطورك الباكه من اهل بيتك

كولي ايطيب جرحك ياوطن بيش

او عزرائيل هل غافي ابريتك

اعرفك ماتعرف الخوف فديوم

او على الصعبات معروف انته صيتك

ياديرت شرف ياهيبت الكون

الدنيه اتصيح بلشده ابحميتك

يادله اومضيف اوعالي الشان

اوبلطيبات ماتغفل لكيتك

نسيت الاهل بلغربه والاحباب

صدك ياوطن بس مانسيتك

وشتهيتك موت ودري الموت مكروه

بس ماصح بديه اني اولكيته

اوعشكتك ياوطن عشك المجانين

اوعلى دم الضحايه اني هويتك

حاير ياوطن متكولي اشبيك

من يوم الصرت حاير لكيتك

امخير ياوطن وثنين الك تختار

لو طاغي يحكمك لو للستعمار

امخير ياوطن وثنين الك تختار

لو تنباع جمله لو حكم جبار

عليك الطاح بلطف ياوطن تصرخ

الحدمن ساكت اومحتار

عليك الكطعو اجفوفه

عليك ابشيمت الكرار

عليك ابداعت الزهره اوضلعها اولوعت البسمار

اومشهوداتلك ياموطني الثورات

اولا تنسه الحسين اشلون لمن ثار

علمنه الحسين التضحيات اشلون

اشلون انموت بلعز موتت الاحرار

رجل واحد رفض ماصافح الطغيان

ولاهزه يزيد اوجيشه الجرار

نزل روحه ابرمح من زاحماها الغيض

اوصاح الموت اولا من ركوب العار

امخير ياوطن وثنين الك تختار

تحياتي للجميع

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

صح السانك وردة
تحياتي الك
تقبل مروري البسيط

[العاطفي]

صح السانك وردة

تحياتي الك

تقبل مروري البسيط

مرور جميل خيتي دمعة نورتي

[L•َِOَِ•Y•َِUَِ•S]

عاشت الايادي
ننتظر جديدك ورده

[العاطفي]

عاشت الايادي


ننتظر جديدك ورده

نورت الموضوع

تحياتي الك ورد