دارميات

[sυρєянυмαη]

الوكت دوم وياي ناصب عداوة
جدامي خلة اعداي تمشي برهاوة
***
ما همني العدوان طبهم ألف طوب
همني الصديق وياهم أنوب
***
ضم گلبك بصندوگ وأقفل عليه الباب
لازم يجيك الموت يا ناسي الحساب
***
ردتك رمح چتال أعلعداي أهد بيك
تالي أطلعت يا حيف ما ينتچي عليك
***
دفتر شعر سويت من جور الايام
أحروفة ضيم الأيام چلمتة الألام
***
مية جرح عديت واتخربط العد
صارن أجروحي هواي ما أعرف شكد
***
شوف الزمان يدور حتة وية الطيور
شفت الصگر مربوط ويحرسة عصفور
***
بس آني وكتي وياي من يگصي ياذي
سواني شجرة موز وسط الشواذي
***
ضاگت علي دنياي يوم اردة من يوم
للابد ما مش عيد ما يخلص الصوم
***
عمري آنة عشتة وياك مر لو بالطيوف
من كثر دگي عليك كسرت الچفوف
يلعذبتلي الروح من غبت عني
خلصت دمعها العين ما بطل وني
***
للموت أظل وياك ما يوم أملك
ما بية حيل فراگ من هسة اگلك
***
چنك تريد فراگ ما منة رجعة
ترة جرح الهجر ميطيب يومية وجعة
***
لا تظن حي وانساك وبگلبي رسمك
أسمي الثلاثي أنساه وما أنسة أسمك
***
حلوة آني هواي وما تلگة مثلي
ومثلك شباب هواي يتمنة وصلي
***
ليش المواقف ليش تغير ال بالگلوب
وبسوگ الذهب تنباع كلمة المحبوب
***
يمك تريد الروح تسكن وترتاح
آسف على النقال ما ينقل أرواح
***
كون آنة أبيعن غاز بس للاحبة
يومية أمر عليه وأترسلة دبة
***
أرد اسأل العشاگ من مثلي مشتاگ
بحضني غافي هواي وأبچي من الفراگ
***
الدنيا للتهواه ترگصلة چوبي
وىنة الفگر يا ناس شگگلي ثوبي

تحياتو

احدث المواضيع:

• دآآرميـــآآت ~
• مـ,ـكـ,ـتـ,ـبـ,ـة آبـ,ـۅذيـ,ـآتـ,ـ آلـ,ـشـ,ـآعـ,ـر آلـ,ـمـ,ـبـ,ـدعـ,ـ ضيـ,ـآء آلـ,ـمـ,ـيـ,ـآلـ,ـيـ,ـ ..^
• سجل حضورك بأبوذية
• ابوذية كولش حلوة واحبهة
• ابــــــوذيـــات
• ابوذيااات حب وعتاب
• ابوذيات و دارميات منوعة
• مجموعة ابوذيات للشاعر المرحوم عبد الحسين الحفلي
• الاب والابن
• ابوذيات ودارمي

[عراقية كوول]

الله الله
تسلمين ياوردهع الابوذيات
والكلمات الاكثر من رائع
دومكِ مبدعه بما تطرحين
كل الود

[sυρєянυмαη]

يدللو ورده
تحياتي الج

[دمعة ألم]

ابوذيات رائعة جدا
عاشت الايادي
تحياتي

[ميما الحلوه]

روووووووووووعه يسلمووو ورده
تحياااتي

[sυρєянυмαη]

يدللووووووو
منورين
تحياتي الكم

[nosnos]

عاشت ايدج وينقل لزاوية الابوذيات والدارمي تحياتي الج