عركه عركع ابين مهند شاد كرون مو شاد اوغلو وبين نور

**ميدو ابن صليخ** · 2009-12-15, 10:19 PM

سلامن عليكم من فوك لي جوة شلونكم

يابه شخباركم؟؟ شكو ماكو

يابه وصلني خبر يكول انه راح يسوون مادة بالسادس علمي اسمها مسلسلات تركية و راح يمتحنون بيها الطلاب بكلوريا و أليكم جانبا (على صفحة) من هذه الأسعلة

1- سنوات الضياع ,, جم سنة بالضبط؟؟؟

2- أذكر سعر اخر قنينة غاز أشترتها لميس

3- مهند شيصير من نور علما انه همة متزوجين

4- جد مهند كم مرة يضرب وجه أوتي باليوم؟؟

5- اخر مرة زيّن بيها فجر قبل كم عقد؟؟(العقد 10 سنوات مو عقد زواج)

6- قصر مهند و نور جم تانكي بي؟؟ علما انه سطحهم ملك

7- منو أكبر ؟؟ جد مهند قبل 40 سنة لو مهند هسة؟؟؟

و هسة أقدملكم العركة اللي صارت بين مهند و نور

- نووووور ,,, كسري الباب لا افتحة

- شنوووو؟؟؟

- فتحي الباب لا اكسرة و داعة جدي كاطع

- جدك مو كاطع بعدين اذا انتة رجال أكسر الباب والله اخابر 130 عليك يجون يذبوك

بأبو غريب والله لا أجيبلك الامريكان

- لج فتحيييي الباب لا افرج عليج العالم هسة هنا

- فرج سنونك أحسن ابو ريحة العمبة جمالة ريحة

- سأحطم هذا الباب اللعين بجتفي اليمنة صح راح اتسكط وراها و يعدلوني عال بارد بس

قصر جدي هوة هوة يحيربيه قابل قصر الل خلفني لج فتحي الباب لا انكلب فار و اطبلج من جوة الباب يا ايتها اللعينة

وبهال أثناء صعدو الجد و العمة هاي ام شعر الاحمر عبالك تصبغ بالتوسان و جدهم

جان دا يلعب اتاري ابو 32 لعبة ملاكمة و فايز 66-12 و سمع العياط و صعد ,,

-الجد ها شكو فجر شبيك

- لك مهند اني يا فجر انتة اللاخ البس السماعات حتى اتشوف

- يا مهند؟؟

- خرف من وكت فوكاها شلون اتزوجت لعد ما أتكلي؟؟
مهند محسن ,, اي يا مهند غير العينتين حفيدك

- وليش هال هوسة شبيك حطيت عقلك ويا الباب

- هاي نور ضوجتني كلبت الدنيا والله شنو قنينة الغاز اللي جايبها من بانزينخانة مال سعدون ما متروسة اي هسة اني اللي تارسها؟؟؟

- ايي جان المفروض أجيّك تفحص مو اتجيبها هيج عمياوي مو صوجك صوجي اللي اتعرفت عليك بسرة الصمون و انعجبت بيك و أخذتك

,,جمالة صمون حجري
-أجيّك من الجسر أحسن مو صوجج صوجي اني اللي دفعتلج فلوس الصمون لان فكر ما جنتي شايلة فلوس كمع

-هههههههههههههههههههههههههههههه(هذا الجد ,, شكد فطير )

- ما هاي شنو (عود ما هذا؟) هاي مرت الجد جتي تعال يا حبيبي لقد أعددت لك الهبيط

اللي تحبه شمالكم متجمعين هكذا ؟؟؟

- بابا روحي نامي انتي معليج طلابة و راح انحلها

- ارجوك مهند دعني أنجطل قليل فأنني مالي خلك

- حسن,, (حسن حسني) سأتركك و سأذهب لأنكبر
قليلا

- يكفي ترة والله مسخوتها (هاي العمة شعرها الاحمر عرك من ورة الحر كامت اتذب كتجب)

- هكذا أذن يا نور والله لو اذا لن راح ترجعين مثل قبل الا ابتلي بجدي (على كد أيدي)

- أمشي لك قشمر روح أضرب وج جدك اوتي بخاري و تعال أحجي الا للحلقة 288 ما أحجي وياك بعد

و وراها ما أعرف شصار لان لفيت راسي و نمت ,,,

اللي يعرف خلي يكلي بلا زحمة ,,, بايييييييي