ردت وياج ليلة

[nosnos]

ريد وياج ليله وليله شتظر بيج
ولو ماضنهه ليله تروح الحسره
اريد الكمر يطفه منج انتي النور
ويطفي الشمس الله ويندعم فجره
اضل وياج وحدي وبيج اكضي الليل
وانه وياج نبقه ونقفل الحجره
الشمس بيدج اليمنه بلصدك مو طيف
الكمر غافي بسبات بايدج اليسره
واضافيرج كواكب تشتعل بلايد
معناهه مجره كلهن العشره
ودموعج نجوم تطيح من تبجين
وتطيح السمه لو كظتج عبره
انذرلج عمر بس انتي شفتج بيه
بلكن من يودج ينقبل نذره
والعرفو احبج واني دايخ بيج
كالولي بحسنه راسك تفره
صح دوختي راسي اعترف وياج
لان لغز الله بيج ومحد يفسره
لان قدرته الصور عندج هلالين
هلالين الحواجب قدرته قدره
ومو طفره وراثه الحسن عندج لا
معجزت الجمال وابد موطفره
يامريم وكتنه وما تجيسج ايد
وسموج بوكتنه مريم العذره
اكص ايد الهوه لوحط اصبعه اعليج
اذا لامس كذلتج لويغث شعره
اباوعلج وشعرج من يغطي العين
يظل يبوس بيدج لمن توخره
البروده اعله صدرج ابرد من دهوك
ودفو حظنج يحلوه جن دفو البصره
مثل زهره حديقه خدودج مفتحات
وماي النده دموعج بلل الزهره
يلطولج قصيده ما تخلص بيوم
وبقه طول القصيده مالي الذكره
يلدولاب عينج حيره هاي العين
ما خلتني انام عيونج الخظره
لو اني امن ابوج اقفل عليج الباب
واجيبنلج مدارس حتى بلذره
واجيبنلج الشارع بس بدون الناس
واذا تطلعين بره احرك البره
صوتج من اسمعه جنه حس شيرين
والضحكه المسيقه المومن تكفره

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[sυρєянυмαη]

جميل جدا
دوووم الابداع
تحياتي الج وردهـ

[شمس الحب]

كلمات جميله جدا
بس لو تكبرين الخط ورده حتى يصير واهس واحد يقرة
تقبلي تحياتي ومروري
شمس الحب

[حمكي]

عاشت ايدج ودره
تحياتي الج

[HamaDa]

يسلموووو عيوني
عاشت ايدج
تحيتي

[mr.lover]

عاشت ايدج عيوني كلمات روعة مثلج

[عراقية كوول]

رآَقْ لِيْ مآَقـرأَتَهُ هُنـَـَـَآَ
كَلَمآَِتْ أَِسَتَطِيعَ اَلقًولَ عَنهآَ آَنهَآً تٌلآَمِسْ اَلَجرآحَ
ذآَئقَه رآئعَهَ يآَمَلَكْ
دَمِتَيْ كَمآَ تُحِبَيَنْ

[nosnos]

نورتو دائما تنورون قصائد بالطلة الحلوة والمورو العطر
تحياتي لشخصكم