موتني بعد ..

[مـوتـي ولا مـوـت أحسـاسـي]

موتـــــــني بعد أتحمــــل آني المـــوت
بــــس كلشي ولا تنســاني او تزعــــل
وعذبني بغيابك وآني راضي بهـــــــاي
بـــــس كلشي ولا عــــن حبي تتـــبدل
والجمهه لجروحي وخل اصــــيحن آه
إذا منــــك الآه اقــــبلهه واتحمــــــــل
آهاتك مطر تمطر علية ســــــنيـــــــن
وتدري من المطر ميخـــــــــاف المبلل
بية شما قسيت تحن عليـــــــــك الروح
تظل غالي عليــــــة وتبقــــــــــه تدلل
من بيك احلم آني الحلم يكَضي بســـاع
شكَد قاســـــي الحلم شـــيصير لو طوَل
حصدت سنين عمري البيهه عشت وياك
لحد ما روحه طكَت واشــتكه المنجـــل
ملح عالجرح انته وردتــك آنه تعـــــود
هــم شــــايف جرح عالملح يتوســــــل؟؟؟

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

عاشت ايدك ورد
كلمات روعه
دوم الابداع
تقبلي مروري
تحياتي الج

[nosnos]

عاشت ايدج وردة
كلمات اكثر من رائعة لا تحرمينة من ابداعاتج
تحياتي الج

[مـوتـي ولا مـوـت أحسـاسـي]

هذا من ذوقكم حبايب
يسلمووو عالمرور .