حرام عليك

**مـوتـي ولا مـوـت أحسـاسـي** · 2010-01-31, 11:07 PM

حرام عليك دمعي يسيل كل ليلة
وايامي التعدن والحزن طال
وحرام عليك تعبي الراح وياك
وعيوني انعمن والكحل منهن سال
صارن بيض من كثر البواجي عليك
ورموشي الي طاحن تترس اسلال
بس الصوج بيه وامنت بيك
وشيصبر الدمع من عشرة الدلال
انت الحب الاول وبيك انا تقشمرت
ونت الي اكلبت الحال فوك الحال
ما امن بعد حتى من اشوف اثنين
واحد يحب واحد والكلب ميال
اجذب من يكلهه انا احبج موت
وسهران اليالي والدمع همال
وكون اتصير اليه اسوي كيت وكيت
واحبج للابد ويعيشج بامال
ومن يدير وجهه وما يرد عليج
ويغلس عليج ويقفل النقال
تتندمين على يوم العرف حبج بيه
وتضل العين تجري مثل شلال
ماينفع دمع ما ينفع تندمين
وماينفع عتب ماينفع المرسال
وذا تكدرين من كلبج تطلعيه
بذيج الساعة الهه الف حلال.