راح تنتخب ؟؟

[تايرد من هالوكت]

(( لتگلي انتخب ))

لتگلي أنتخب وتستجدي مني الصوت
مو للبيع صوتي وصـــــــعب ترشيني
ولاترفع صور وتوسـخ الحيـــــــطان
شعاراتك أبد ماعـــــاد تغــــــــــريني
مو كافي ........كشفتك بين المســتور
لتحاول بعد ........هيهات تشــــريني
ما انطيك صوتي... ولاتضن اشريك
يلــــناسي الوطـــــــن وسنين ناسيني
وآنا شنهو ألجنيته من أنتخــاب الفات
ويا مكسب أليه تحسبه دليني ؟؟؟؟؟؟؟
لتگلي أنتخب...... ماراح اعيد ألراح
وآنا ألشفته بسببكم والله .......يكفيني
شفت آني المذله وماتركنـــــي العوز
أجيبك للحكم وأدري أنت تاذيني ؟؟؟
مو كافي چذب .........كافي شعارات
جمر ذيچ غلطتي لهســه يچويـــــــني
ملينا ألوعود......... وچلمـــة أنطيك
من أيدك ذهب ماريد تنطـــــــــــيني
گلت أبني واعمــــر وأزرع الگيعان
وصار سنين أتاني وتنطرك عيـــني
ما أنطيك صوتي ولاتضن أشريــك
يلناسي ألوطن وسنين ناسيـــــــــني
أريد أني أنتخب طيب شريف يكون
والشاري ألوطن معناهــــه شاريني
مو لازم گرايب أو صــــديق يكون
ولا حب العشيرة ألـــنوب يعــميني
أنتخب الشريف بشرط صافي يكون
مثل ماي الفرات ألدوم يرويــــــني
ومتهمني ألمذاهب مايهمـــني منين
ألمهم عندي عراقي وهـــذا يكفيني
من أهل الرمادي من النجف والكوت
من كركوك كردي ألمهم يحمـيني
غلطت مره وبعد ما أغلط النوب
وعلى رگبة اطفالي أحط سچيني
أليحب ألوطن من عندي ياخذ صوت
المهم يرضي الوطن مو مهم يرضيني
وأبو ألايد النظيفة بزودة ياخذ صوت
مايحتاج أبد حــــــــملة ويوصــــيني
والچفه وسخ يحــــرم عليه الصوت
أموت من ألعطش ما اريده يسگيني
يا أبن العراق بذمة انطي الصوت
ولاتســـــاوم أبـــــد لتخالف الدين
صوت للعراق ولايهـــــــمك غير
وأذكر شعب عانى من ألامــرين
وأذكر شعب عانى من ألامــرين

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مـوتـي ولا مـوـت أحسـاسـي]

عاشت ايدك عيوووني.

[Яŏdîņcŏ]

يسلمو حبيبي على الموضوع الروعه
عاشت الايادي
ودي
ورودي
رودي
:23

[تايرد من هالوكت]

يسلمو حبيبي على الموضوع الروعه
عاشت الايادي
ودي
ورودي
رودي
:23

منور صفحتي حبيبيى الغالي

[تايرد من هالوكت]

عاشت ايدك عيوووني.

منورة اختي الغاليه

[nosnos]

روعة ابدعت وربي
سلمت اناملك
ننتضر جديدك وابداعاتك
تحياتي الك

[تايرد من هالوكت]

روعة ابدعت وربي
سلمت اناملك
ننتضر جديدك وابداعاتك
تحياتي الك

منورة اختي الغاليه بمتصفحي