على كيفك عيني عليمن خابص الكون

[nosnos]

على كيفك عليمن خابص الكـــــون؟
وعليمن هوستك وية انفعـــــالك؟
حبك وآني ضيم وقهــــــــر والآم
مامتـــوازي آنة اتـــواصل من خلالك...
شرجي وما احب بس شرجي الريـــاح
وما اعاين ابد نسمة شمـــــــــالك...
ياهو الكـــالك بيك آنة مجنــــــــون؟
وياهو الكـــــــالك ماكو بمثــــــالك؟
كبل لتــــروح، خل اتراهن ويـــــاك
من باجـــر احب عشرة ابـــــدالك...
بطباعك لكيت هوايـــــــة تزويـــــر
لأن كل يوم تتغيــــــر خصــــــــالك...
وماشوفـــــك جميـــــل شما يكولــــون
احس تزويــــــر.. مو اصلي جمالك...
تتمنى كبل بس تسمــــــــع الصوت
وبأحلى الوان راسمنه بخيالك....
وبس سولفنه بيك وصرت محبوب
اشتغلت رحمة الله وطك دلالك....
تتمنى كبل بس نكعد ويــــــــــاك
ومن ردناك شحيــــــــت بوصــــالك...
ماعندك مجال.. شما نحاجيـــــك
ومن يحاجيك لحظة انفعـــــــالك؟؟؟
ملينه غرورك واحنة ماشين
وبعد شيفيد؟ شنسوي بجمالك؟؟
ياعمي احنة يتامى ونكره العيد
العيد انت وغضب جية هلالك...
شنو ابالك يدور؟ انت اجمل الناس؟
باجر بالجمال يدور بالك...
منو بحالك ؟؟ اني ؟؟ لا انت غلطان
واذا تظل هالشكل محد بحـــــــــــالك

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مـوتـي ولا مـوـت أحسـاسـي]

عاشت ايدج وردة.

[sυρєянυмαη]

يسلمووووووو وردهـ
تحياتي