افتراضي يعجبني الجرح لو لاكه شمات

[MR_CoOL]

يعجبني الجرح لو لاكه شمات



يضم روحه بحيث ابين التم



وتعجبني اليوف بجف السباع



يحمرهاا الخجل لو مالكت دم



اذا انت شفت لتكول ماشوف



تحجي العين اذا السانك تلعثم



شوف الفلح من اتموت الورود



بغير اورود هيه اتروح تشتم



بس شوف الورد لومات فلاح



من اشمه تلكه بعطره ماتم



شوف اصعب وجه بفراح العيون



لكن بالكلب بس الله يعلم



كلب وجدان بس بجحده خسران



اذا هو انكسر انت التصب دم



الحسب عقله يحب صدكني يرتاح



الحسب كلبه يحب صدكني يندم



لذالك اني احب ادم ابو الكل



وهم احب ابو التفاحه ادم



حسب عقلك يصاحب شوف كلشي



وضربلك مثل عن كلشي وشلون



اكو يحجون من الصبح لليل



وحرام انجان تفهم شنو يحجون



وكو ساكت وحلكه مخيط اخياط



و حجيه شكد حلوه بنضرات العيون



من ابزك بالحجي لاتزعل ارجوك



اسمعني وكول شكراا كول ممنون



الابره من تبز الثوب ياصاح



قصدهاا اتخيط بشك اليشكون



حسب عقلك ياحب شوف كلشي



وضربلك مثل عن كلشي وشلون



وداع الي تكره ايريح البال



وداع الي تحبهم يعمي لعيون



الماي شكد حلو بحلك العطاشه



بس شلون نقمه على اليغركون



اطلع الروح شغلات مرات



بس مرات هيه اتردلك الروح



اذيه الباب من ينفتح للريح



بس اشلون لو بالسجن مفتوح



ابن انادم يضرب اللوح بسامير



لكن من يموت ايشابكه الوح



كلش مو حلوه قباض الرواح



بس حلوه كون بعدوك يقبض الروح



اكو ايده طويله اوكلشي ماالاح



وكو جفه اكباله وكلشي يلوح



اكو صوت قوي ماتسمع الناس



اكو يكلب الدنياا وصوته مبحوح



اكو كلشي مايملك عاش مرتاح



واكو يملك الدنيااا وعاش مسكين



اكو ميباوسونك بس يحبوك



واكو رب المباوس بس شياطين



اكو يعوفك اسنين وجنه ساعات



واكو يعوفك دقايق جنهن سنين



اكو بالكبر بس مو وته عاشو



اكو مو بالكبر بس هماا ميتين



اكو جفه انكطع بس موش عباس



اكو يذبحه الشمر بس موش الحسين



اكو ايذبحه الشمر بس موش الحسين

احزان كلبي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

تسلم ورد
بس لو مغير اللون ...
عاشت ايدك
تحياتي الك

[MR_CoOL]

تدلل ورده
منووووووووووووووووووووووور

[حمكي]

تسلم حبي
هسه مبين واحسن
تحياتي الك خيي

[مـوتـي ولا مـوـت أحسـاسـي]

عاشت ايدك عيوووني.

[sυρєянυмαη]

يسلمووووووووووو
تحياتي

[MR_CoOL]

يدللو عيوني
منوووووووووووووووووووووورين