الجرح بينه چبير وصارله سنين

**مـوتـي ولا مـوـت أحسـاسـي** · 2010-03-08, 12:48 AM

الصناديگ الترشح رتو الاصوات
واجيناكم بلهفه ويابس الريگ
متئملين بيكم من تفوزون
للجايع تترسون العلاليگ
ولتخلفون ويه الناس الوعود
تره أمنه عليكم تفتح الزيگ
ومن تدعي عليكم يشهد الله
تصير گبوركم هاي الصناديگ
_______________________

الجرح بينه چبير وصارله سنين
متانيكم تداو من تفوزون
دمعنة اعله الوجن ما مسحته چفوف
وبلكي چفوفكم بيهه تمسحون
داعو بحگ شعبكم لمن يظيع
وبيكم هالشعب خلهم يفرحون

واذا وافيتو بوعود الشعارات
نشيل اسمائكم بصدورنه انواط
ونرسم كل صوركم وسط الگلوب
من شايبنه والله الطفل الگماط
هاي چفوفك ختشيل الورود
وتكسر الچفوف الشالت سياط
ثورو اعله اليخون اولا تخافون
كلنه اوياكم احنه بوكت الزماط
ـــــــــــــــ________________
أخذو اصواتنه وياهه الارواح
وشيلوهه أمانه بنص الاعناق
تعبان الشعب ميرد فد يوم
يسمع بالحكومه يصير أخفاق
وليغركم المنصب من تفوزون
وتبيعون المبادء ويه الاخلاق
الوعد بيعو أذا غراكم المال
بس يحرم عليكم بيع الاعراق

________________________
اذا لا سامح الله وغرنه شيطان
وما رحنه انتخبنه اصحاب الاحزاب
الوطن ينحني ويوگع من العگال
وعلى ظهره تدوس اجدام الاجناب
واذا رحنه انتخبنه بسبعة أذار
تدرون النتيجه شتعني يحباب
أصابعنه بحبر ما رايح تصير
أصابعنه تصير بعين الارهاب
ولأن احنه نريدك رافع الراس
اخذ منه عهد يعراق الاطياب
نروح وننتخب لجلج يمجروح
لو نعرف نظحي بهاي الرگاب
صوتك لا تظمة تعنه وانطي
لجل بالوطن صوتك هذا ينهاب
روح انتخب كلمن مقتنع بي
ولا تسمح يبوگ الصوت سلاب
وحگ چفين ذاك الگمر عباس
وحگ دم الحسين الحنه الاتراب
ألماينتخب ويضيع الصوت
ميحصل شفاعة قالع الباب
أنهظ يا شعب يل كلك جروح
ولتسلم الروح بحلگ الذياب
خلي الايد وحده بهل صناديگ
وخل صوتك يروح الاحله نواب
وطلب واحد أريده امنل يفوزون
مو أطلب ألي اولا أنه طلاب
الطلب واحد فقط لمن يجي العيد
الأيتام الوطن تشرون الاثياب.