شوفو اني لااجذب ولا احب الجذب تعالو شوفو واحكمو هع

[شمس الحب]

السلام عليكم ..شباب..شخباركم,,,اعوذ بالله من الجذب انا ما اجذب ولا احب واحد يجذب.....



كلكم إتعرفون الحرب العالميه الثانيه تقريبا بالـ (1935).. آني چان بوكتها عمري 16سنه... المهم گاعد بالبيت دا العب بلي ستيشن 2.. دگ الموبايل مالتي (اي لا تتعجبون.. اني من ذاك الوكت عندي موبايل)

اي اكمللكم.. دگ الموبايل.. جنت حاط نغمة مال هيفاء (بوس الواوا).. شلته.. طلع (رئيس الجمهوريه مال روسيا).. گلي: وليدي.. آسفين على الازعاج بس الوضعيه حيل عاوية.. والجيش نصه راح بالزلك.. محتاجيك حيل.



آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.


گتله والله عمو... بوسط عيني.. هسه بس أفوّل المولده التايگر للبيت.. وأجيكم


والله ترست المولدة.. وچيـّـكت الدهن.. وأخذت البايسكل مالتي.. ذبيته (d).. وقبـّـطت سكليتر.. وين؟؟.. على الخط السريع مال (حله- كربلاء).. ومناك گلت آخذ يمنه على روسيا... والله نص ساعه اني بنص موسكو.. بس شحچيلكم!!.. باردة ثلج.


شغلت التدفئة مال البايسكل و صعّدت الجامات... والله گلتلهم وين بيت رئيس الجمهوريه؟؟.. گلولي بقطـّاع 20 يم مرطبات (علاوي جرثومه)



وصلت.. دگيت الباب.. طلع أبو مصطفى (إبن الرئيس الروسي إسمه مصطفى لأن مرته من الديوانيه).. خطيه الرجال حالته جانت زفت.. حضنـّي.. وگلي الله جابك.. گتله خير عمو؟؟.. گال هيچ وهيچ السالفه.. والالمان طبوا بينه گول.. گتله عمو.. صدگ چذب.. اني موجود وهيچ يصير!!!

اني رايح.. منا ليومين ان شاء الله تسمع خير


طلعت رحت على ولد أعرفه بروسيا اسمه (قاسم) هذا شقاوه مال بغداد چان وصديقي الروح بالروح.. گتله قسومي هيچ وهيچ الفلم أريد أسلحه.. گلي تدلل شتريد؟؟.. گتله اريد 65 صاروخ (أرض- أرض)..... و34 صاروخ (أرض- مي) اقصد (ارض- جو)..... و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات

والله حطلياهن بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني تعبانه).. بس اني اخوكم خوما اخاف!!.. لا يابه لا... گلتلهم للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت


باوعت يمنه.. يسره.. شحچيلكم بلـ (564674534 جندي ألماني).. وكل واحد راكب دبابة منفيست حديث.. بس اني تعرفوني سبع.


نصبّت الصواريخ على چتفي وصيـّحت... اني إلكم.. طبا طبا.. طاخ طاخ طاخ.. الزگه.. جيبه.. ودي.. الله.. .. ألطمه (هاي موسيقه تصويريه).


والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.



بقت دبابة وحدة.. ركضت عليها وبيدي قلم ميكانيكي (لحد يگولي منين جبته.. هوه إجه)... والله وبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.


طبعا وره ما هيچ سويت.. إجه الرئيس الروسي وباسني من راسي وگلي:.. وليدي انته اقوه من گرندايزر والله..


گتله:.. لا عمو ما سويت شي آني.. عادي.. وانطاني هديه سيارة لادا بعدها ما ماشيه بالچيس.. واشترولي بنطرون كتان أصلي من الصين درجة أولى.. وبوتين أديداس أبو العلامة.


رجعت للبيت.. وشغلت المولدة.. ونمت لان جنت شويه تعبان من الحرب..شلوني

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[MR_CoOL]

كلكم إتعرفون الحرب العالميه الثانيه تقريبا بالـ (1935)



هههههههه
حته اني اذكر جنت قبل متبدي الحرب بشهرين رايح للحج همين
ههههههه


يسلمو ورده ع التحشيش
عاشت ايدج
تحياتي

[CoOoL G!rL]

ههههههههههههههههههههههههههههههههه
لا ابد ماكو جذب
تسلمين حب عاشت ايدج
تحياتي

[شمس الحب]

هههههههههههههههههههههههههه
ولكم مااجذب شبيكم هذا تحشيش خفيف هع
تحياتي الكم ورود

[HamaDa]

ولله خربت ضحك

ههههههههههههههههههههه
عاشت ايدج عيوني
لاتحرمينا من جديدج
تحياتي

[دمعة ألم]

هههههههههههههههههههههههههه
تحشيش توب والله ههههههههههههه
تسلمين وردة
تحياتي

[عراقيه حلوه]

هههههه
ههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههه
هههههههههههههههههههههههههههه
هههههههههههههههههههههههههه
ه
هههههههههه
ههههههههههههههههه
هههههههههههههههههههههههههههههههههههههههههههههههههه هههههههههههههههههههههه
والله متت ضحك

[شمس الحب]

ههههههههههههههه شكرا ورود على مروركم الحلووو
نورتووووووووووووووو
تحياتي

[sυρєянυмαη]

ههههههههههههههههههههههههههههههههههه
ماكو جذب اصلا ولاجذبايه صغيرونه هههههههه
اويلي متت ضحك
تسلمين وردهـ
تحياتي

[برنس بغداد]

هههههههههههههههههههههههههههههههه
ههههههههههههههههههههههههههههههه
ابد متجذبين

احلى شي مال صعدت الجامات مال بايسكل
:q5:

مشكوره ورده