ابوذيــــــــــــــــــــات

[nosnos]

وريدج
....احبج يابعدعمري...وريدج
وعلى كليبي اعبرنج...وريدج
انه اتمنى ويريت اصبح.وريدج
حتى دماج تصبح تسري بيه*
**************************
حطين..
وحك صفين والخندق وحطين...
لميش الراس بغيابك واحط طين...
اطير من الفرح صدك واحطن...
اذا بالحلم مرة تمر علية...
*************************
وشتمنة
اريد الزم اخديدك وشتمنة
واريد انعل ابيك وشتمنة
تدري اشراد كلبي وشتمنة
على صدرك اموت وهاي هية
***********************
ورقة منك
قلم كلبي تداين ورقة منك
لان ماكو بجماك ورأقة منك
اسجلنك انتة الاول ورقمنك
واكتب لافتة محجوز الية
***********************
وجرهة
غزل عينك رهن روحي وجرهه
وشعل نيران البكلبي وجرهه
اريد اتمسك بشفتك واجرهه
حتى انقل ذنوب البيك الية
***********************
نشف شعرَه وتوزر.. بمنشفتة
عقلي طار وسودنت .. من شفتة
وروحي مشتهية بوسة.. من شفتة
ولك بس تعال واعطف علية
*********************
العشك يهديب عمري كلفاني
وحبنه بغير حبكم كلفاني
سهمك من رميته كلفاني
شك صدري وجزاني ورد عليه
********************
خزرة عيونك طير شاهين
عليك الروح والدلال شاهين
يالجمالك صعد فوك الهام شاهين
والك نبيلة عبيد تأخذ تحية
*********************
احلى من العسل ياناس شفته
وبشارعنه العصر يتمشه شفته
هم يجي يوم اخلي شفتي على شفته
بعدها والله اتمنى المنيه..
******************
هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه
********************
قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية
**********************
هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
******************
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
****************
نشدت الناس عنك وانت هينه
وعلى فراكك تلفنه وانتهينه
الكلب انت تعذبه وانت هينه
ويضل اسمك حلو وغالي عليه
*********************
نجن كلبي من شافك ودرباك
وحرت اشلون اعلمنك ودرباك
كضيته ازحوف شارعكم ودرباك
وزلغت الركب وعكوس اديه

احدث المواضيع:

• دآآرميـــآآت ~
• مـ,ـكـ,ـتـ,ـبـ,ـة آبـ,ـۅذيـ,ـآتـ,ـ آلـ,ـشـ,ـآعـ,ـر آلـ,ـمـ,ـبـ,ـدعـ,ـ ضيـ,ـآء آلـ,ـمـ,ـيـ,ـآلـ,ـيـ,ـ ..^
• سجل حضورك بأبوذية
• ابوذية كولش حلوة واحبهة
• ابــــــوذيـــات
• ابوذيااات حب وعتاب
• ابوذيات و دارميات منوعة
• مجموعة ابوذيات للشاعر المرحوم عبد الحسين الحفلي
• الاب والابن
• ابوذيات ودارمي

[حمكي]

عاشت الايادي
نتضر كلشي حلو منج
تحياتي الج

[nosnos]

يدللو منور

[sυρєянυмαη]

قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

يسلموووو
تحياتي

[nosnos]

يدللو منورة وردة
تحياتي الج