تانيتك عمر

[عراقيه حلوه]

تانيتك عمر يمك ردت ارتاح
لكيتك واحه ميته ترابتك تذري
تانيتك تجبره لخاطري المكسور
جبرته بدمع بس ماجبر كسري
ليش تغيضني وأحجي الحجي المضموم
وتكول الناس عني مسودن يهذري

أذا تدري بعذابي وتدري اللي صار
لا تسأل عليه شباقي من صبري
خلصت العمر مابين جويه واه
ومكالب بروحي وناركم حدري
ستوني الحزن مو كافي طفي النار
تبخر ماي صبري ونزرف جدري
يالرايد حجينه يضل جزر للدوم
وانت المد يفيدك ينمحي المقري
لان انت جرف وانه عليك الماي
اطلع عيوب جرفك لو كثر جزري
حاصرني الوكت وجروحي مسمومات
لا انت رحمتني ولا رحم دهري
تحزم جرح بيه وراد ياخذ ثار
التفت شاف الخناجر تطعن بظهري
التفت شاف الخناجر تطعن بظهري

احدث المواضيع:

• تعلمت من الحياة !
• شكر وتقدير
• فــــقــــر الــقــلــــوب
• كــرهـت التصنع ورسم الابتسامات
• مُدّي يَدُكِ ..!!
• أميرةُ النساءِ ..!!
• الحياة
• أحبـــــها ....وحنيني يزداد لــــها...
• أنثى بكل المقاييس.!!..!!
• !!!!!!!!عن الفراق ضيم وقهر!!!!!!!!!!

[الملاك]

رائعا بصراحة ما خطت لنا يداكي دوم الأبداع

[HamaDa]

عاشت ايدج ياوردة
تحياتي الج

[حمكي]

عاشت الايادي
تسلمين ورده
نتضركلشي منج حلو
تحياتي

[اسير الروح]

تسلمين ورده
عاشت ايدج

[عراقيه حلوه]

ولو تدللون عيوني