أبوذيات تحشيش

[soft moon]

مساء الخير والمحبة



شلوونكم حباااايب




هاي مجموعة من الأبوذيات التحشيشية ....



ضاج الولد وصاح بتلونة

نزع قاطه وقميصه وبتلونة

شفت شصار بلعبه بتلونة ..فازوا على ريال مدريد ...



عطش كلبي بغيابك شرب كولا

والمصري يسمي الطوبة كولا

شفت ذيجة البنية شلون كولا ..تمشي وتتعثر



كلبي بغيابك ترك اهله وناسه

ومن أسكر اعيش بجو وناسه

طشيت الزبل جيب الوناسه ..ولمه كوله تره اكتلك



حبك عذباني وصرت ناسي

ولا أني المتذكر ولا أني ناسي

دخت وحك ربك حتى ناسي ..كام يوجعني



الصغار تسألني عنك والكبار

والك مسجد وسط كلبي والك بار

روح أفتح قناة وشوف الأكبار ..تفجيرات وقتل خطية العالم ...



ليش تبوك ملبسنه وعشانه

أفدي الروح للمحبوب عشانه

كل مسؤول مسويله عشانه ..دمبلوماسية حتى محد يحجي وياه ..




أحبنك تحب غيري جريمة

وأني بكل يوم أقرالي جريمة

تجي ويايه للقرية جريمة ..هسه نمشي خطوتين نوصل ...




عليه دنيتي تفتر مثل دوار

اعوفن مهنتي وأشتغل دوار

الشيعة راحوا للنجف دوار ..يحيون الأربعينية



قضيتك ياحمد صدكني سهلة

والي يضوجك بالشارع أسهلة

مصادق وحدة عيونها سهلة ..بس شعرها أسود محلو ...



طباخ العمر نفطي وغازي

صرت أنت الوطن وأني الغازي

جنت أسمع أغاني وهسه غازي ..يوجعني من الصوت العالي ...



رجال وسبع هالولد ماخون

وانه بالعهد وياك ماخون

جنت جوعان ضربتلي ماخون ..تمن ومرك ..



شربت هواية وهواية معسل

وعساك بمرض هالحصبة معسل

صار أسبوع دكانكم معسل ..خير عدكم فاتحة ...



وأخبرك من حياتي بقه سطران

ويله ياكتاب العمر ..اكتبلي سطران

اجه يمشي يطوطح جنه سطران ...يجوز شارب شي ..



عدنا كهرباء وماكو تيار

وسفينتك بالبحر صارت عكس تيار

أريد أنجح وأصيرن أنه تيار ..واحمي العراق بتيارتي ...


وشكرا



تحياتي ومحبتي للجميع

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[ورد البنفسج]

ههههههه كولش حلو
عاشت ايدج عيني
تقبلي مروري

[soft moon]

شكرا حب

لمرورج