ماكو وفة

**عراقيه حلوه** · 2010-04-18, 04:19 PM

ماكو وفة بعد البي اتامل ولاالحبيب الاول مثل ما تعرفه

تغير حتى كلبي بيك ذاب وهام واظن دكات كلبي اليوم مختلفه

تدري الجروح البيه من ايام واسنين تذب تيزاب فوك اجروح ماتشفه

كل الصوج منكط واضن انته اتريد تجازيني بالخيانه وبعينك الصلفه

حسبتك ضوه لسنيني بالشدات لاحتني اسهام نارك وبيا وكت اطفه

من تعطش سكيتك ماي العين وامطرلك نده واسكيك عالشفه

نيشان المحبه خليته بيك وضاع تسلمه الغيري مو حرام اعليك تشفه

حبيتك بكلبي الابيض الشفاف ودلللتك دلال الكبل ماتعرفه

اذكرك بالمضه اشلون حالك صار شيفيد الحجي يالاذنك الطرشه

تامر وانه انفذ ما اخاف يوم ياوعدك جذب واعذارك اتكشفه

كلي اشلون اسمح والاذنوب اهواي تجرح كلبي بالخيانه وياكبر نزفه

ظالم ماعرفتك بالحجي المعسول مظاهر طيبتك بالوفه والعفه

جنت امشي عالجمر الك مشتاك كل هذا التعب بالخيانه اتنسفه

واتريد انسه الصار واردلك اردود وحسابك صعب بسنين ما يصفه

اليعاشر واحد هم يصير اثنين حتى ينكشف فد يوم بالصدفه

يابو دميعه جنت مغشوش بيك ماضنيت بيك الخيانه طبع ماتعرفه