ابوذيات حلووة

**ميما الحلوه** · 2010-04-23, 07:34 PM

هلوووووووو شباب هلوووووو بنات عندي الكم ابوذيات كثير حلوه اتمنى تعجبكم

***زمان الجان يزهي كبل مادام
وبجيت على الخدود الروح مادام
عكبهم كلت اسم الروح ما دام
مشو عني بعد جا شلي بيها

***مشو عني شلي بروحي بعدهم
الوكت كل غايته عني بعدهم
عيد المايحط جفه بعدهم
حرام ان جان يهنه العيد اليه

***حرام ان جان يهنه العيد ويطيب
ولاجرح البعد يلتام ويطيب
الي بركان حدر الضلع ويطيب
يطك من تمر ذكراهم عليه

***يطك من تمر ذكراهم وليراي
الي جانو نهر عشره وليراي
لهم رأي اليفاركنه وليراي
اسير وي الضعن ملصح بديه

***اسير وي الضعن كصدي ولاصاح
بشر لاضل عدل عدها ولاصاح
حده حدايهم سكته ولاصاح
حده وكطع بكايه الروح بيه

***حده وكطع غفل روحي منحداه
وعميت وما عرفت حدي منحداه
سوه ماكو فرق وحده منحداه
النوايب ذيج بيه وهاي بيه

***النوايب دارن وصكن بعد كام
وكضن عشرين من عمري بعدكم
كضت كومه من جروحي بعد كام
يمين ان جان اداويهم بديه

***يمين ان جان اداويهم ولا روف
وبعد لا ارحم بحالي ولا روف
تهت لاماي ضل عندي ولاروف
فقط دمع الوجد نهران بيه

*************اتمنى تعجبكم**************