فلسفه جمالك

[L•َِOَِ•Y•َِUَِ•S]

فلسفة جمالك


لا تمطر شمس لو مرنه تموز
حرك صح برد بس ذابح الكون
رقيق بكل شي انت وكلشي معروف
ومتفسره اعله بابك حتى الاضنون
لا تحجي السوالف خلها تحجيك
لان حتى بسكوتك تحجي مضمون
ولك بيش انا اوصفك مو حرت بيك
اذا حتى اعله ضلك تمشي الا عيون
يل كلك جمال منين ما اجيك
وكل لحظه اعله شفتك ينخلق للون
انت بلايه انت تحير الاعقول
شلون انت ويه انت اعله اليوصفون
لازم فلسفه وديوان الك خاص
وحكمه بلا عقل يوهبها مجنون
سر شعرك جريمه وذابح الليل
ودم الليل طاح وباسك شلون؟؟؟
وكلي شلون گلبك باقي وياك..؟
وخلص عمره اعله بوسه ايعض بالاسنون
وذا عمر الگلب خلصها حسرات
متگلي اشبقالك من الامتون؟؟؟
ضحاياك شكثر..؟؟ كلهم يحبوك
وانا اول ضحيه البيك مفتون
هاي شلون صارت كلي يفلان
اكثر معجبيك من اليكرهون
ولك حتى الصبر ما ضل صبر بيه
خلص خلگه اعله ليل الما ينامون
وانه اعله الصبر ذبيت الايام
نخيته اوياك يمكن باجر تهون
وعليك الروح راحت ويه الاعيون
ودخيلك كلي هم باچر يرجعون ؟؟

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[CoOoL G!rL]

كلش كلش حلو
يسلموو وردة
دومك مبدع
تحياتي الك

[MR_CoOL]

سلمت يداك وعيناك ع الطرح الجميل
عاشت ايدك عيوني
لا تحرمنا من جديدك المميز
تحياتي

[L•َِOَِ•Y•َِUَِ•S]

ادللوو عيوني
من ذوقكم

[AbO RiShA]

شعر رائع وكلمات واحساس اروع
شكرآ صديقي
ليوس تحياتي الك

[mark_kena]

شعر رائع وعاشت الايادي

[L•َِOَِ•Y•َِUَِ•S]

ادللو عيوني
نورتو القصيده

[اسير الروح]

يسلمو ورده
عاشت ايدك

[L•َِOَِ•Y•َِUَِ•S]

انته العايش عيوني
نورت

[مـوتـي ولا مـوـت أحسـاسـي]

مشكووور عيوووني.