صدرك مو صدر

[L•َِOَِ•Y•َِUَِ•S]

((صدرك مو صدر))

أغنية العمر والناي صار الليل

وأطوار ألعشَك ارتاح واسمعها..

أعيوني امنالبجي شيب جفنها أعليك

طاحن بين أديهّ وفاض مدمعها..

لو رايد عتب نتعاتب إنيّ وياك

بس احجايتي المفروض تسمعها..

من كَتلك احبك نبعت أبخلاص

ما كَتلك احبك جلمة أراجعها..

اريدنك جمر بعيوني كون أتنام

مو دمعة فرح من اضحك امسحها..

وإذا اتكَلي الدرب ضيعته انته وياي!

جنت أعمة وعِِصاتك إنيّ اتبعها!!

حيرني جمالك لا أنس لا جان!

لأن حور وملاك أوصاف جامعها..

يبو عيون الكحيلة وشعر لون ألليل

بس راية جمالك انته رافعها..

اشفافك من خمر اسكر ودوخن بيك

وبس خمرة اشفافك ديني شرعها!!

وصدرك مو صدر منحوتة بي قمتين

وبنصهن نهر دوخني منبعها!!

أحسن بيك ترجف من كَعدت وياك

وانيّ النار بيهّ الشوَك ولعها!!

أمد أيدي أعلة خصرك ارجف واحتار

أحس جفي خدر والروح طلعها..

جم مرة الكَلت بوساتي كلهن شوَك؟؟

ولشفافك اثر بخدودي طابعها..

دله أبنص جمر والعشك بيهّ يفور

وجمدوب الصبر لو علتي أجرعها؟؟

محطة أبنص عمر والسجة نص الليل

وأيامي ضياع وانته بايعها..

دخاف الله يخايب وارحم اليهواك

مو كَلبي حركَته وروحي شالعها!!

جلال البطاط

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[ورد البنفسج]

مممممممممممممممم
كلام جميل
تسلم خيووو
تقبل مروري

[L•َِOَِ•Y•َِUَِ•S]

ادللي عمو
من ذوقج هذه

[مـوتـي ولا مـوـت أحسـاسـي]

روووعه عيوووني عاشت ايدك.

[ميما الحلوه]

كلش حلووووووو
عاشت ايدك ردة
تحياتي

[nosnos]

• عاشت ايدك وردة
• ننتضر جديدك بشوق ودوما
• تحياتي الك واصل

[CoOoL G!rL]

كلش حلووو
تسلم ورردة
دوم الابداع
تحياتي الك

[الشاعر جلال البطاط]

تسلميلي عمري انتة على نقل قصيدتي هذه...تحياتي لكِ ياوردة.

[وـرـرده فـرنـسـيـه]

اريدنك جمر بعيوني كون أتنام

مو دمعة فرح من اضحك امسحها
روووووووووووووووووووووووووووووووووووووووووووووعة
عاشت ايدك
ودي