جرحُ عاشقْ

الملف الشخصي · 2010-05-17, 10:16 PM

جرحُ عاشقْ

راح أكتب عليك وتفهم الناس
بِشِعْرِي الحزين وصدق الإحساس
يل حبك جرح ومدوخ الراس
ولاكلبك أبد ماحن عليه
ولاكلت عَلَيْ هذا خطيه

أذوب بغيبتك وأنحرك كالشمعة
وبجرحك تلوج بعيني الدمعة
وكلامي واضح ليش متسمعه
لوكلبك أبد مادك إليه
أو حبك يظالم مسرحيه

حبك من ثلج وحبي من نار
وشوكك سكون وشوكي إعصار
متعرف بيه اشصار ماصار
كلبي صار بهاي المسيه
كبركان انفجر وهزة أرضيه

كنت وردة بيضة كبلك أني
وبعطري أفوح ويزهو لوني
بس عندك صرت أنخطف لوني
شميت عطوري وهاي هيه
وتركتني أموت بدون مَيَّه

بس لايخاين أنتَ غلطان
ماأبقى دونك أني عطشان
وراح أحب غيرك انسان
يحبني صدك ميخون بيه
ما يمثل أبد بالحب عليه

مو بس أنتَ ورده هواي الورود
ولاخاتم ذهب بالسوك مفقود
أكو أحلى منك ويفوق الحدود
وبس اصبر شويَّه عليَّه
راح أملك ذهب يوزنك ميه

ماريدك بعد لاوالله ماريدك
هذا الجرالي كله من أيدك
روح العب بعيد هذا ميفيدك
تمثيلك خلص بحبك إليه
ونلت الجائزة بظلمك إليه

**CoOoL G!rL** · 2010-05-17, 10:19 PM

كلش حلوووو
يسلمو حب عاشت ايدج
دومج مبدعة
تحياتي الج

**HamaDa** · 2010-05-17, 10:34 PM

كلش حلو
تسلمين ياوردة عاشت الايادي
تقبلي مروري البسيط

**sυρєянυмαη** · 2010-05-18, 02:22 PM

يسلمووووو وردهـ
دومج مبدعهــ
تحياتي

الموضوع: جرحُ عاشقْ