هم عندك وجه ودگ على الباب

**nosnos** · 2010-05-22, 07:24 PM

هم عندك وجه ودگ على الباب
لا،لاتظل ساكت، أحچي ياچذاب

وگفتك گدامي ماريدها أتطول
شعندك بعد شتريد ، وك گول

ماظل عذر عندك ؟ ,, لو خلصت الأسباب !،،

لاتتعلثم .. شعندك أحچي، يله أتكلم
رغم أني .. من أسمع صوتك أتألم

ياحارمني ..
من أحلى أيام العمر ،، ومن عز شبابي

ياحارگني ..
يامخليني رماد الجمر ،، يامسبب عذابي

تريد أسامحك ..
وك أشلون أسامح ذباح گلبي

أشلون أسامحك ..
يل بيدك هدمت أحلام حبي

الحب مو دكان ..
من تحتاجه، تمر بيه وتشتري كل التريده

الحب تراه بستان ..
من دم الگلب ورداته يرون، من وريده

روح .. لاتنتظر، لاتظل واگف گبالي
روح .. يل ما الك أول، ماالك تالي

يامن باع بيا برخص وتندم
بأرخص أبيعك وگلك أتعلم ,,

هم عندك وجه ودگ على الباب
لا،لاتظل ساكت، أحچي ياچذاب

وگفتك گدامي ماريدها أتطول
شعندك بعد شتريد ، وك گول

ماظل عذر عندك ؟ ,, لو خلصت الأسباب