ابوذيات رائعه

**عراقيه حلوه** · 2010-06-05, 10:44 PM

الك ارفع علم حبي ورايه
واحذرك لا تحب احد ورايه
وكتاب الله النزل ايه ورا ايه
اظل اهواك لاخر نفس بيه .

امس ونيت وكليبي ...ون وياك
وتراني اعرفهن افكارك..ونوياك
ولك لا مو علي ذني...ونه وياك
اضن يمكن دفناهن سويه

يكلبي انساه شوكك ...لا يكلي
لان اجروحي كلش...لايكلي
كلتله تخون بيه ....لا يكلي
وبعدنه بلا يكلي وخان بيه

الوكت جكليت لا نثر ...لطشلي
وتهم باطل عليه شكد ...لطشلي
الفكر دون البشر كلهه...لطشلي
شسوي شلون باللاطش عليه

الليالي سود من بعدك ...شكن لك
والك جم زيج يا الغالي...شكن لك
على غيابك شسولفلك ...شكلك
وحيدي والخلك كلهم عليه

صدمنه الوكت بخباره...فقدنه
واخذنه بثوب فرحتنه...فقدنه
مثلك جم خوي وصاحب..فقدنه
وفقدنه الشوف وياهم سويه

تطشر حبي يمك ..وانتشربك
ولضل بس انت اوكلك ..وانتشربك
حبيبي وخلي احضنك..ونتشربك
واريدن احضنك حضنه قويه

تعال لبيت دلالي ور البيت
والك اكتب شعر بيتا وره البيت
حبيبي وأرد اشوفنك وره البيت
واذا بالبيت اويلي شلون بيه

سهم هجرك لمحني ماشفتني
وجت ناس اعلة علتي ما شفتني
فتت سويت نفسك ما شفتني
وجنت اعمه وتشوف الناس بيه

اجيت وشفت من شفتك بله وياك
وصرت وي غيري وتكلي بله وياك
يراح الويك واتفنن بلوياك
واطلع الماضي والقاضي سويه

ليالي الضيم نحجي وسكتنه
وقطار الموت ناصب سكتنه
عدل جنه المصايب سكتنه
واجن ضيم وقهر كلهن سويه