ما أحبك.. چذب.. صدگني ذايب بيك .. قصيدة روعة ..غزلية

**نونه البزونه** · 2008-08-30, 08:17 PM

ما أحبك چذب... صدگني ذايب بيك
واذا إدوّر عليه بيك تلگانــــــــي
واذا هذا الاگوله تظن ابالغ بيه
تگدر تنسحب بس تگدر تنسانــي ؟
وما أگلك چذب گبلك ما حــــــبيت
بس يوم العرفتك انولدت من ثاني
وهسه اني طفل ما يعرف يضم اسرار
وتلگه البلگلب بسرعة على لساني
أحبك كلمه ما تستحقــــــــــهه والله
لأن كلمة احبك ما تروي وجداني
وماتهمني حروف الكلمه من تنگال
بس همني الفعل وشتحمل معـاني
لأن انه من أحب اختلف عن الناس
وما اگلك طبع ولا سر ربّانــــــي
ولا اگلك ملاك اني يفــــــــــــــلان
بس تلگـــه الصدگ من تدگ بيباني
أحبك گالوهه گبــــــــــــــــلي هواى
وبيهه ما اهم واتركهه تعـــــــاني
عندي لهفه الك شايلهه من سنين
واظن كلمة أحبك ما تطفي نيراني